The Impossible Shot – வனவிலங்கு புகைப்படக்கலை மற்றும் கதைசொல்லல் பற்றிய ஒரு அற்புதமான மாலைப்பொழுது

The Impossible Shot – வனவிலங்கு புகைப்படக்கலை மற்றும் கதைசொல்லல் பற்றிய ஒரு அற்புதமான மாலைப்பொழுது

வனவிலங்கு செல்வத்தின் அழகிய அம்சங்களை வெளிப்படுத்தும் விதமாக, Cinnamon Nature Trails மற்றும் Cinnamon Life இன் ஏற்பாட்டில் உலகப் புகழ்பெற்ற வனவிலங்கு புகைப்படக் கலைஞர் மற்றும் இயற்கை பாதுகாப்பு நிபுணருமான Paul Goldstein கலந்துகொள்ளும் ஒரு சிறப்பு நிகழ்ச்சி எதிர்வரும் ஏப்ரல் 06ஆம் திகதி Cinnamon Life இல் நடைபெறவுள்ளது. “The Impossible Shot” என்று பெயரிடப்பட்டுள்ள இந்த சிறப்பு நிகழ்ச்சி பற்றிய ஊடக சந்திப்பு அண்மையில் Cinnamon Life இல் நடைபெற்றது.

இயற்கைச் சூழலின் அழகைக் கொண்டாடும் தனித்துவமான வாய்ப்பை உங்களுக்கு வழங்கும் இந்த “The Impossible Shot” நிகழ்ச்சியானது, அழகிய மற்றும் அசாதாரணமான வனவிலங்கு புகைப்படங்களை எடுப்பதற்குத் தேவையான அர்ப்பணிப்பு மற்றும் திறன் பற்றிய உங்கள் புரிதலை அதிகரிக்கும்.

வனவிலங்கு புகைப்படக்கலை மற்றும் வழிகாட்டுதலில் 30 ஆண்டுகளுக்கும் மேலான அனுபவம் கொண்ட Paul Goldstein, கென்யா, ஸ்பிட்ஸ்பெர்கன், அண்டார்டிகா உள்ளிட்ட பல நாடுகளின் மிகவும் கடினமான வனப்பகுதிகளில் புகைப்படக்கலை அனுபவங்களைப் பெற்றுள்ளார். வனவிலங்கு புகைப்படக்கலையில் அவரது கலைத்திறன், புரிதல் மற்றும் கருத்துக்கள் உலகளவில் மிகவும் அங்கீகரிக்கப்பட்டுள்ளன. The Sunday Times அவரை ‘எல்லையற்ற முயற்சியாளர்’ என்று அழைக்கிறது. மேலும், The Times பத்திரிகை அவரை ‘வேறு எந்த நபரையும் விட உங்களை வனவிலங்கு புகைப்படக்கலையில் உயர்த்தும் நபர்’ என்று பெயரிட்டுள்ளதானது இதற்கு சிறந்த எடுத்துக்காட்டாகும்.

சவால்மிக்க புகைப்படக்கலையில், நீங்கள் இதுவரை அனுபவிக்காத அற்புதமான காட்சிகளுக்கு உங்களை அழைத்துச் செல்லும் சிறப்பு திறன் கொண்ட அவர், தான் புகைப்படம் எடுத்த கவர்ச்சிகரமான தருணங்களை இந்த நிகழ்வில் பங்குபற்றுபவர்களுடன் பகிர்ந்து கொள்ளவும் திட்டமிட்டுள்ளார்.

அதேசமயம், இந்த நிகழ்ச்சியின் முக்கியத்துவத்தை மேலும் அதிகரிக்கும் வகையில், இலங்கையின் விருது பெற்ற வனவிலங்கு புகைப்படக் கலைஞரும், இயற்கை பாதுகாப்பு நிபுணருமான சித்ராலல் ஜயதிலக்க, “Chasing a Dream” எனும் தலைப்பில் இந்நிகழ்வில் மற்றொரு சிறப்பு விளக்கக்காட்சியை வழங்கவுள்ளார். இலங்கையின் உயிரியல் பன்முகத்தன்மையை உலகிற்கு காட்சிப்படுத்தியுள்ள சித்ராலல், விழிப்புணர்வு மற்றும் பாதுகாப்பு மூலம் வனவிலங்கு உலகின் சிறந்த தருணங்களைப் புகைப்படம் எடுப்பதில் உள்ள சவால்கள் மற்றும் வெற்றிகள் குறித்து பங்குபற்றுபவர்களுக்கு விளக்குவார்.

படைப்பாற்றல் மற்றும் விழிப்புணர்வுக்கு அப்பால் “The Impossible Shot” நிகழ்ச்சி இலங்கையின் வனவிலங்குகளைப் பாதுகாப்பதிலும், நிலையான சுற்றுலாவை ஊக்குவிப்பதிலும் Cinnamon Nature Trails இன் தொடர்ச்சியான உறுதிப்பாட்டையும், கலைகள் மற்றும் புகைப்படத்தை ஆதரிப்பதில் Cinnamon Life இன் அர்ப்பணிப்பையும் எடுத்துக்காட்டுகிறது. இலங்கையின் முன்னணி இயற்கை சுற்றுலா நிறுவனங்களான Cinnamon Nature Trails மற்றும் Cinnamon Life ஆகியவை கவர்ச்சிகரமான கூட்டாண்மை மூலம் வாடிக்கையாளர் அனுபவத்தை மேம்படுத்த தொடர்ந்து தங்கள் ஆய்வுகளை மேம்படுத்தி வருகின்றன. அந்த வகையில் Cinnamon Hotels & Resorts, செலான் வங்கியுடன் இணைந்து, இலங்கையர்களுக்கு அதிக நன்மைகள் மற்றும் வாய்ப்புகளைக் கொண்ட சர்வதேச நிகழ்ச்சிகளை ஏற்பாடு செய்வதற்கு அர்ப்பணிப்புடன் உள்ளது.

‘இந்த நிகழ்ச்சி வனவிலங்கு புகைப்படக்கலையை கொண்டாடுவதோடு மட்டுமல்லாமல், இலங்கையின் அசாதாரண இயற்கை பாரம்பரியத்தை நேரில் காணவும், பாதுகாப்பிற்கான அழைப்பையும் வழங்குகிறது’ என்று Cinnamon Hotels & Resorts இன் துணை பிரதம நிறைவேற்று அதிகாரி மற்றும் செயல்பாட்டு தலைமை அதிகாரியான ஹிஷான் சிங்ஹவன்ச கூறினார். ‘உலகின் மிகவும் பல்லுயிர் மிக்க இடங்களில் ஒன்றாக, எமது நாடு வனவிலங்குகளை அதன் தூய்மையான வடிவத்தில் அனுபவிக்க இணையற்ற வாய்ப்புகளை வழங்குகிறது. Paul Goldstein போன்ற சர்வதேச அளவில் பிரபலமான நிபுணர்களை போன்ற சர்வதேச அளவில் புகழ்பெற்ற நிபுணர்களை அழைப்பது உலகத்தரம் வாய்ந்த கலாச்சார மற்றும் அனுபவ சுற்றுலாவிற்கான ஒரு உயிர்ப்புள்ள மையமாக இலங்கையின் ஆற்றலை உறுதிப்படுத்துகிறது. “The Impossible Shot” என்பது வெறும் ஒரு நிகழ்வு மட்டுமல்ல. எங்கள் நாடு வழங்கக்கூடிய தனித்துவமான அதிசயங்களை கண்டறிய உலகிற்கு விடுக்கப்படும் ஒரு அழைப்பாகும்.’ என்று தெரிவித்தார்.

இந்த கூட்டாண்மை குறித்து செலான் வங்கியின் சந்தைப்படுத்தல் மற்றும் விற்பனைப் பிரிவின் உதவி பொது முகாமையாளர் ஆசிரி அபயரட்ன கூறுகையில், ‘இந்த கூட்டாண்மையுடன், இயற்கையின் அழகை படம்பிடிப்பதில் பொறுப்புணர்வையும், கடமையையும் எடுத்துக்காட்டும் ஒரு தனித்துவமான அனுபவத்தை செலான் வங்கி அட்டைதாரர்களுக்கு வழங்குவதே எங்கள் நோக்கம். Cinnamon Nature Trails மற்றும் Cinnamon Life நடத்தும் இந்த அனுபவம் புகைப்படக்கலையில் விழிப்புணர்வை வலியுறுத்துவதோடு, இயற்கை உலகிற்கான ஆழமான மரியாதையை வளர்க்கிறது. இது போன்ற கூட்டாண்மை மூலம், செலான் வங்கி நிலைத்தன்மைக்கான தனது அர்ப்பணிப்பை வலுப்படுத்துவதோடு, எங்கள் வாடிக்கையாளர்களின் வாழ்க்கையை வளப்படுத்தி, புகைப்படக்கலை மற்றும் சுற்றுச்சூழல் பாதுகாப்பைக் கொண்டாடும் ஒரு இயக்கத்தை ஊக்குவிக்கிறது.’ என்று தெரிவித்தார்.

“The Impossible Shot” நிகழ்ச்சிக்கான டிக்கெட் விலை ரூபாய் 7,500/- ஆகும், மேலும், இந்த டிக்கெட்டுகளை எதிர்வரும் மார்ச் மாதம் 16ஆம் திகதி முதல் www.cinnamonboxoffice.com இல் இருந்து முன்பதிவு செய்யலாம்.

வனவிலங்கு புகைப்படக்கலை பற்றி மேலும் பல விடயங்களை அறிய விரும்பும் சுற்றுச்சூழலை நேசிக்கும் உங்களுக்காக, உலகப் புகழ்பெற்ற வனவிலங்கு புகைப்படக் கலைஞர்களின் பங்கேற்புடன் ஏற்பாடு செய்யப்பட்டுள்ள இந்த சிறப்பு பட்டறையில் உங்கள் இடத்தை இன்றே முன்பதிவு செய்யுங்கள். இந்த அரிய வாய்ப்பை தவறவிட வேண்டாம். உங்கள் எதிர்காலத்திற்கு மறக்க முடியாத அனுபவத்தைச் சேர்த்துக் கொள்ளுங்கள்.