Cinnamon Life at City of Dreams வழங்கும் ‘The Spirit of Iftar’:

Cinnamon Life at City of Dreams வழங்கும் ‘The Spirit of Iftar’:

புனித ரமழான் மாதத்திற்கான விசேட இஃப்தார் விருந்து

கொழும்பு, 13 பெப்ரவரி 2026: புனித ரமழான் மாதத்தின் அமைதியையும் ஒன்றிணைந்திருக்கும் மகிழ்வையும் கொண்டாடும் வகையில், Cinnamon Life at City of Dreams, தனது Quizine உணவகத்தில் ‘The Spirit of Iftar’ (இஃப்தார் உணர்வு) எனும் விசேட இஃப்தார் நிகழ்விற்கு ஏற்பாடு செய்துள்ளது. பாரம்பரியம், சுவை மற்றும் சமூக ஒற்றுமையை பிரதிபலிக்கும் வகையில் மிகவும் நேர்த்தியாக வடிவமைக்கப்பட்டுள்ள இந்த விருந்து உபசரிப்பில், உறவினர்கள் மற்றும் நண்பர்களுடன் ஒன்றிணைந்து மகிழுமாறு Cinnamon Life அழைப்பு விடுக்கின்றது.

பெப்ரவரி 17 முதல் மார்ச் 17 வரை, 9-வது மாடியில் அமைந்துள்ள Quizine உணவகத்தில் இந்த இஃப்தார் இரவு நேர பஃபே (Buffet) விருந்து ஏற்பாடு செய்யப்பட்டுள்ளது. மாலை 6.15 மணி முதல் ஆரம்பமாகும் இந்த விருந்து, ஒரு நபருக்கு நிகர கட்டணமாக (Nett) 10,500 ரூபா என நிர்ணயிக்கப்பட்டுள்ளது. குடும்பங்கள், நண்பர்கள், சக ஊழியர்கள் மற்றும் இலங்கைக்கு வருகை தரும் சுற்றுலாப் பயணிகள் என அனைவரும் சௌகரியமான மற்றும் கௌரவமான சூழலில் ஒன்றிணைந்து நோன்பு துறப்பதற்காகவே இந்தத் தளம் பிரத்தியேகமாக வடிவமைக்கப்பட்டுள்ளது.

இந்த இஃப்தார் பஃபே விருந்து, ரமழான் காலத்தின் புனிதத்தைப் பறைசாற்றும் வகையில் பாரம்பரிய உணவுகளின் பிரம்மாண்டமான அணிவகுப்பை வழங்குகின்றது. வருகை தரும் விருந்தினர்கள் புத்தம் புதிய பேரீச்சம்பழங்கள் மற்றும் ரூ அஃப்ஸா (Rooh Afza), புளிச் பழச்சாறு (Tamarind juice), ஜல்லாப் ((Jallab), விம்டோ (Vimto) மற்றும் பலூடா போன்ற பாரம்பரிய ரமழான் பானங்களுடன் தங்களது நோன்பைத்5 துறக்க முடியும். இவற்றுடன், ஆட்டிறைச்சி மற்றும் மரக்கறி சமோசாக்கள், மீன் சைனீஸ் ரோல்ஸ் (Fish Chinese Rolls) மற்றும் மரக்கறி ஸ்பிரிங் ரோல்ஸ் (Vegetable Spring Rolls) போன்ற அனைவராலும் விரும்பப்படும் சுவையான சிற்றுண்டிகளும் இந்த உணவுப் பட்டியலில் விசேடமாக உள்ளடக்கப்பட்டுள்ளன.

இந்த இஃப்தார் விருந்தின் பிரதான உணவு வரிசையானது இந்திய மற்றும் மத்திய கிழக்கு நாடுகளின் சுவையான உணவு கலாசாரத்தைப் பிரதிபலிக்கும் வகையில் அமைந்துள்ளது. இதில் ஆட்டு இறைச்சி அவ்ஸி பிரியாணி (Lamb Ouzi), சிக்கன் மந்தி (Chicken Mandi), தாவூக் (Shish Taouk), ஹரிசா கார்லிக் பட்டர் இறால் (Harissa Garlic Butter Prawns) மற்றும் மரக்கறி – கொண்டைக்கடலை டஜின் (Vegetable and Chickpea Tagine) போன்ற விசேட உணவுகள் இடம்பெற்றுள்ளன. அத்துடன், ஆட்டிறைச்சி கஞ்சி மற்றும் வல்லாரைக் கஞ்சி ஆகியவற்றுடன், ஹம்முஸ் (Hummus), முதாபல் (Mutabal), பாபா கனூஷ் (Baba Ganoush) மற்றும் லப்னே (Labneh) போன்ற மத்திய கிழக்கு நாடுகளுக்கே உரிய ‘மெஸா’ (Mezza) மற்றும் சாலட் வகைகளும் பீடா (Pita), ஸாதார் (Za’atar) மற்றும் சீஸ் பாண் (Cheese Bread) வகைகளுடன் பரிமாறப்படுகின்றன.

விருந்தின் இனிமையான நிறைவாக, பிஸ்தா மற்றும் தேன் பாகு (Honey syrup) கலந்த பக்லாவா (Baklava), பஸ்பூசா (Basbousa), மற்றும் கிரீம் மற்றும் ரோஸ் சிரப் சுவை கொண்ட குனாஃபா (Kunafa) போன்ற மத்திய கிழக்கு நாடுகளின் பிரத்தியேக இனிப்பு வகைகள் இடம்பெற்றுள்ளன. இவற்றுடன், பாரம்பரிய சுவை கொண்ட வட்டலாப்பம் மற்றும் ஜவ்வரிசி புடிங் (Sago pudding) ஆகியவையும் விருந்தினர்களுக்காகத் தயார் செய்யப்பட்டுள்ளன.

இஃப்தார் விருந்துக்கு மேலதிகமாக, Cinnamon Life விடுதியில் தங்கியிருக்கும் நோன்பு நோற்கும் விருந்தினர்கள் அதிகாலை வேளையில் சௌகரியமாக உணவை உட்கொள்ளும் வகையில், பிரத்தியேகமான ‘ஸஹர்’ உணவுச் சேவையினை அறைச் சேவை (Room Service) ஊடாக வழங்குகின்றது. விருந்தினர்கள் தத்தமது அறைகளிலேயே மிகவும் சௌகரியமாகவும், நெகிழ்வுத்தன்மையுடனும் இந்த அதிகாலை உணவை உட்கொள்ள முடியும். இந்த ஸஹர் உணவுப் பட்டியலில் வாடிக்கையாளர்களின் விருப்பத்திற்கேற்ப பிரத்தியேகமாகத் தயாரிக்கப்படும் சர்வதேச காலை உணவு வகைகள், சூப் மற்றும் கஞ்சி வகைகள், புத்தம் புதிய பழங்கள், மெஸா (Mezza) தெரிவுகள், பழச்சாறுகள் மற்றும் போஷாக்கு நிறைந்த உலர் பழங்கள் மற்றும் பருப்பு வகைகள் ஆகியவை உள்ளடக்கப்பட்டுள்ளன.

ரமழான் மாதத்தின் புனிதத்தைப் பேணும் வகையில், இரவு நேர உணவுப் பரிமாற்றத்தின் போது மத விழுமியங்களுக்கு முரணான (Non-Muslim items) எந்தவொரு உணவுப் பொருட்களும் வழங்கப்படமாட்டாது என்பது உறுதி செய்யப்பட்டுள்ளது. இதன் மூலம் மத அனுஷ்டானங்களுக்கு முழுமையான மதிப்பளிப்பதையும், அவற்றைப் பூரணமாகக் கடைப்பிடிப்பதையும் Cinnamon Life உறுதி செய்கின்றது.

‘இஃப்தார் உணர்வு’ (The Spirit of Iftar) எனும் இந்தச் செயற்திட்டத்தின் ஊடாக, கலாசாரத் தருணங்களை அர்த்தமுள்ளதாகவும் அனைவரையும் உள்ளடக்கிய விதத்திலும் கொண்டாடுவதற்கான தனது அர்ப்பணிப்பை Cinnamon Life மீண்டும் உறுதிப்படுத்துகின்றது. உணவு, விருந்தோம்பல் மற்றும் பகிரப்பட்ட அனுபவங்கள் வாயிலாகப் பல்வேறு சமூகங்களைச் சேர்ந்த மக்களை ஒன்றிணைக்கும் ஒரு உன்னதப் பாலமாக Cinnamon Life தொடர்ந்தும் விளங்குகின்றது.

இதுதொடர்பிலான மேலதிக விபரங்கள் மற்றும் முன்பதிவுகளுக்கு, விருந்தினர்கள் +94 77 962 8132 என்ற தொலைபேசி இலக்கத்தின் ஊடாக Cinnamon Life வரவேற்புப் பிரிவை தொடர்பு கொள்ளலாம்.