BYD, ශ්රී ලංකාවේ දකුණු කලාපය තුළ සිය ප්රවේශය ශක්තිමත් කරමින්
ගාල්ල ප්රදර්ශනාගාරය විවෘත කරයි
ලොව ප්රමුඛතම නව බලශක්ති වාහන (NEVs) නිෂ්පාදකයා වන BYD සහ එහි ශ්රී ලංකාවේ බලයලත් බෙදා හරින ආයතනය වන John Keells CG Auto එක්ව ඔවුන්ගේ නවතම ප්රදර්ශනාගාරය 2025 මාර්තු 26 වන දින දක්ෂිණ අධිවේගී මාර්ගයේ ගාල්ල, නුගදූව පිවිසුම අසල පසුගියදා විවෘත කළේය.
මෙය BYD හි ශ්රී ලංකාවේ දෙවන අලෙවි නියෝජිතායතනය වන අතර කොළඹ පිහිටි එහි ප්රධාන ප්රදර්ශනාගාරය හා සමාන උසස් තත්ත්වයේ පාරිභෝගික අත්දැකීමක් ලබා දීම සඳහා අතිනවීන පහසුකම්වලින් යුතුව නිර්මාණය කර ඇත. මීට අමතරව මෙම නව ප්රදර්ශනාගාරය BYD SEALION 6, BYD ATTO 3, BYD SEAL, BYD DOLPHIN සහ BYD M6 යන මාදිලිවලින් සමන්විත වන අතර එමගින් දකුණු කලාපයේ පාරිභෝගික ජනතාවට BYD හි අති නවීන ඉලෙක්ටි්රක් සහ plug-in hybrid මෝටර් රථ මිලදී ගැනීමට අවස්ථාව සලසා දෙයි.
John Keells සමූහයේ සිල්ලර වෙළෙඳ අංශයේ සභාපති චරිත සුබසිංහ මහතා පැවසුවේ “ශ්රී ලංකාව තුළ BYD හි වර්ධනය මගින් නව බලශක්ති වාහන වෙළඳපොළ ඉදිරියට ගෙන යාම සඳහා අපගේ දිගුකාලීන කැපවීම පෙන්නුම් කරනවා. අපගේ ගාල්ල ප්රදර්ශනාගාරය විවෘත කිරීමත් සමඟින් BYD දකුණු කලාපයේ පාරිභෝගිකයින්ට NEV වාහන මිලදී ගැනීමේ හැකියාව පහසු කරනවා පමණක් නොව රටේ පරිසර හිතකාමී ප්රවාහන විසඳුම් සඳහා ශක්තිමත් සහ දිගුකාලීන වෙළඳපොළක් නිර්මාණය කිරීමට ද දායක වනවා.” යනුවෙනි.
මෙම ප්රදර්ශනාගාරයට අමතරව BYD පාරිභෝගිකයින් සඳහා අලෙවියෙන් පසු විශිෂ්ට සේවාවන් සැපයීම සඳහා අති නවීන පහසුකම්වලින් සමන්විත සේවා මධ්යස්ථානයක් ආරම්භ කිරීමට ද සැලසුම් කර ඇත. තවද මෙය ශ්රී ලංකාව පුරා සිය සේවා ජාලය සහ යටිතල පහසුකම් පුළුල් කිරීම සඳහා BYD හි දිගුකාලීන දැක්ම සමඟ සමපාත වේ.
ශ්රී ලංකාවේ නව බලශක්ති වාහන සඳහා යටිතල පහසුකම් පද්ධතිය ශක්තිමත් කිරීමේ BYD හි කැපවීම පෙන්නුම් කරමින් BYD සහ John Keells CG Auto රටේ ප්රධාන ස්ථානවල ඉලෙක්ටි්රක් වාහන (EV) charge කිරීමේ පහසුකම් පුළුල් කිරීමට ද කටයුතු කර ඇත. ඒ අනුව ජය්රටැ කිරීමේ ස්ථාන දැනටමත් කොළඹ, මීගමුව, ගම්පහ, කළුතර ඇතුළුව දකුණු කලාපයේ ප්රධාන සංචාරක ගමනාන්ත වන කරාපිටිය, මාතර සහ තංගල්ල දක්වා ද පුත්තලම, කුරුණෑගල සහ මහනුවර යන ප්රධාන ස්ථානවල ද පිහිටා ඇත. මෙය ඉලෙක්ටි්රක් වාහන හිමිකරුවන්ට තම වාහන charge කිරීමට පහසුවක් වනු නිසැකය. තවද මෙම ආයෝජනය ශ්රී ලංකාව තිරසාර ගමනාගමනය වෙත ගමන් කිරීම සඳහා ශක්තිමත් යටිතල පහසුකම් නිර්මාණය කිරීමේ BYD හි අරමුණට සහාය දක්වයි.
ගාල්ල ප්රදර්ශනාගාරය විවෘත කිරීමත් සමඟ BYD සහ John Keells CG Auto උසස් තාක්ෂණය, ඉහළ කාර්යසාධනය සහ විශිෂ්ට පාරිභෝගික සේවාවක් ලබා දෙමින් ශ්රී ලංකාවේ වැඩි පිරිසකට නවතම නව බලශක්ති වාහන භාවිත කිරීමට අඛණ්ඩව දිරිමත් කරයි.
