DIMO Healthcare සහ Siemens Healthineers සහයෝගීතාවයෙන් උසස් CT Simulator සමඟ පිළිකා ප්රතිකාර ප්රමිතීන් ඉහළ නංවයි
මෙරට පිළිකා රෝගය සඳහා වන ප්රතිකාර තවදුරටත් ඉහළ නැංවීම සඳහා වන දැඩි කැපවීම නැවත වරක් පසක් කරමින් ශ්රී ලංකාවේ ප්රමුඛ පෙළේ විවිධාංගීකරණය වූ සමූහ ව්යාපාරයක් වන DIMO හි සෞඛ්ය සේවා අංශය වන DIMO Healthcare සහ Siemens Healthineers එක්ව, AI තාක්ෂණය මඟින් බලගැන්වෙන ,නවතම Siemens CT Simulator වන SOMATOM go.Sim පසුගියදා හඳුන්වා දෙන ලදී.
මෙම නවීන CT Simulator මෙරට පෞද්ගලික අංශයේ විකිරණ ප්රතිකාර පිළිබඳ පුරෝගාමී මධ්යස්ථානයක් වන සෙලින්කෝ පිළිකා මධ්යස්ථානයෙහි ස්ථාපනය කර ඇති අතර එය ශ්රී ලංකාවේ පිළිකා ප්රතිකාර ක්ෂේත්රයේ සුවිශාල දියුණුවක් සනිටුහන් කරයි. සෙලින්කෝ පිළිකා මධ්යස්ථානය විකිරණ ප්රතිකාර ඒකකයක් ස්ථාපනය කිරීම සඳහා ප්රථම වරට DIMO Healthcare සමඟ කටයුතු අරඹන ලද්දේ 2007 වසරේදීය. එතැන් සිට DIMO Healthcare සතු අසමසම අලෙවියෙන් පසු සේවාව මෙම විශ්වාසය ශක්තිමත් කළ අතර සෙලින්කෝ පිළිකා මධ්යස්ථානයේ නවතම CT Simulator යන්ත්රය ස්ථාපන කටයුතු වෙනුවෙන් DIMO Healthcare තෝරාගැනීම කෙරෙහි එය ප්රමුඛ සාධකයක් විය.
SOMATOM go.Sim යනු තනි, ඒකාබද්ධ මෘදුකාංග සහ දෘඪාංග විසඳුමකි. SOMATOM go.Sim ඔස්සේ වඩාත් ප්රශස්ත රූප ලබාදෙන අතර AI තාක්ෂණය ඒකාබද්ධ කිරීමෙන් ගැළපෙන ප්රතිකාර ක්රම සැලසුම් කිරීම උදෙසා ආරම්භයේදීම පවතින ගැටලු හඳුනාගෙන ඉවත් කරනු ලබයි.
රෝගියෙකුගේ සිරුරේ පුළුල් ත්රිමාණ රූප ලබාගනිමින් ආසාදිත ස්ථාන නිවැරදිව හඳුනා ගැනීමට මෙම Siemens Healthineers SOMATOM go.Sim CT Simulator වෛද්යවරුන්ට සහය වේ. පසුව ප්රතිකාර සඳහා මෙම රූප භාවිතා කරන අතර, Varian Clinac iX Linac හි විකිරණ මගින් ඉහළ නිරවද්යතාවකින් නිරෝගී පටක අතරින් පිළිකා පටක තෝරා ගනියි. මෙහි dual-energy imaging මගින් සංකීර්ණ අවස්ථා සඳහා ප්රතිකාර සැලසුම් කිරීමේදී අත්යවශ්ය වන විවිධ පටක වර්ග වඩාත් හොඳින් වෙන්කර හඳුනා ගැනීමට වෛද්යවරුන්ට මනා සහයක් ලබා දෙයි. රෝගියා පිළිබඳ ව්යුහාත්මක මෙන්ම සවිස්තරාත්මක, ත්රිමාණ රූප, දෘශ්යකරණයන් ලබා ගැනීමට මෙහි අන්තර්ගත Cinematic Rendering විශේෂාංගය මනා පිටිවහලක් වේ.
උසස් AI තාක්ෂණයකින් බලගැන්වෙන ස්වයංක්රීය මෙවලම්වලින් සමන්විත SOMATOM go.Sim CT Simulator රූප ලබා ගැනීම සහ ප්රතිකාර සැලසුම් කිරීම පිළිබඳ වෛද්යවරුන්ගේ කාර්ය භාරය කෙරෙහි ඉහළ සහයෝගයක් ලබාදෙමින් වැඩි නිරවද්යතාවයක් සහතික කරයි.
රෝගියාගේ යහපැවැත්ම පිළිබඳ වැඩි අවධානයක් යොමු කරමින් මෙම SOMATOM go.Sim CT Simulator සැලසුම් කර ඇති අතර ALARA මූලධර්මවලට අනුව රෝගීන් අනවශ්ය විකිරණ මාත්රාවන්ට අධිකව නිරාවරණය නොකිරීම සහතික කරයි. එපමණක් නොව ළමා රෝගීන්ට ද ගැළපෙන පරිදි මෙම CT Simulator නිර්මාණය කර ඇති අතර දරුවන්ගේ බරට සහ වයසට අනුවර්තනය කරමින් ප්රතිකාර කටයුතු සිදුකිරීමට මෙන්ම අනවශ්ය විකිරණ මාත්රාව සැලකිය යුතු ලෙස අවම කිරීමට ඒ ඔස්සේ හැකියාව ලැබේ.
AI මත පදනම් වූ myExam Companion සහායක මඟින් එක් එක් රෝගියා සඳහා එම අවස්ථාවට අදාළව ගැළපෙන ලෙස ගුණාත්මක බව ඉහළ නංවමින් ස්කෑන් කිරීමේ ක්රියාවලිය ඔස්සේ එහි ක්රියාකරුට මඟ පෙන්වන අතර එමඟින් නැවත ස්කෑන් කිරීමේ අවශ්යතාවය බොහෝදුරට අවම කරයි. මෙහි ඇති iMAR සහ SAFFIRE වැනි විශේෂ මෘදුකාංග මඟින් ප්රතිනිර්මාණය කරන ලද රූපවල metal artifacts සහ electronic noise අඩු කරන අතර එමඟින් ලබාදෙන ඉහළ රූප ඵලදායී විකිරණ චිකිත්සක ප්රතිකාර සැලසුම් සඳහා සුවිශේෂී සේවයක් ඉටු කරයි.
මේ පිළිබඳව අදහස් දක්වමින් DIMO හි විධායක අධ්යක්ෂ සහ DIMO Healthcare අංශයේ ප්රධානී විජිත් පුෂ්පවෙල මහතා මෙසේ ප්රකාශ කළේය. “මේ වන විට තාක්ෂණික දියුණුව ජන ජීවිතයේ විශාල ධනාත්මක බලපෑමක් ඇති කිරීමට සමත් වී තිබෙනවා. එබැවින් එම නවීන තාක්ෂණය සෞඛ්ය අංශයේ තීරණාත්මක ක්ෂේත්රයක් වන පිළිකා රෝග කළමනාකරණයටත් රැගෙන ඒමට DIMO Healthcare ලෙස අපි කැපවී සිටිනවා. පිළිකා රෝග ක්ෂේත්රයේ විකිරණ ප්රතිකාර සඳහා දැනට පවතින රූපකරණයේ ගුණාත්මකබව ඉහළ නැංවීම සඳහා අප දක්වන කැපවීමේ කදිම සාක්ෂියක් ලෙස මෙම Siemens Healthineers SOMATOM go.Sim CT Simulator හැඳින්විය හැකියි. අපගේ අරමුණ වන්නේ Siemens Healthineers සමඟ එක්වෙමින්, වඩාත් සාර්ථක සහ ඉලක්කගත ප්රතිකාර ලබා දීම වන අතර එමඟින් අවසානයේදී අපිට ශ්රී ලාංකිකයන්ගේ සිහින සහ අභිලාෂයන් බලගන්වමින් නිරෝගීමත් ජාතියක් ගොඩනැගීමට හැකියාව ලැබෙනවා.”
DIMO Healthcare හි වෛද්ය ඉංජිනේරු විද්යාවේ නිපුණත්වය සහ අති නවීන තාක්ෂණයේ සංකලනය මෙන්ම දිගු කාලීන විශ්වසනීය සේවාව සහ නඩත්තුව සමඟින් මෙරට වෛද්ය ක්ෂේත්රයද නවීන පිළිකා ප්රතිකාර ක්රමවේදයන්ගෙන් සවිබල ගන්වා ඇත. ශ්රී ලංකාව සෞඛ්ය සම්පන්න අනාගතයක් කරා යන ගමනේ වැදගත් පියවරක් මෙම Siemens Healthineers SOMATOM go.Sim CT Simulator මඟින් නියෝජනය කරයි.
