ஆர்பிகோ மெட்ரஸ் 2024 ஆம் ஆண்டின் சிறந்த விற்பனையாளர்களுக்கான விருது வழங்கும் நிகழ்வினை ஏற்பாடு செய்ததுடன், புதிய மூன்று மெத்தைகளையும் அறிமுகம் செய்தது
இலங்கையின் மெத்தைகள் துறையில் முன்னணி வர்த்தக நாமமான ஆர்பிகோ, பொலியுர்தீன் துறையில் கொண்டுள்ள சிறந்த சாதனைகளை கொண்டாடும் வகையில் விசேட நிகழ்வொன்றை ஏற்பாடு செய்திருந்தது.
அண்மையில் கொழும்பு மொனார்க் இம்பீரியல் ஹோட்டலில் முன்னெடுக்கப்பட்ட இந்த விருதுகள் வழங்கும் நிகழ்வை, ஆர்பிகோ மெட்ரஸ் ஏற்பாடு செய்திருந்ததுடன், தெரிவு செய்யப்பட்ட 150 விற்பனையாளர்களின் முயற்சிகள் கௌரவிக்கப்பட்டிருந்தன. ஆர்பிகோ உள்நாட்டு உற்பத்தி மற்றும் விநியோகத்துறை நாட்காட்டியின் முக்கிய இடத்தைப் பெற்றுள்ள இந்த விற்பனையாளர் விருதுகள் வழங்கும் நிகழ்வில், நிறுவனத்தின் விற்பனை இலக்குகளை எய்துவதில் சிறந்த பங்களிப்பை வழங்கியிருந்த 150க்கும் அதிகமான விற்பனையாளர்கள் பங்கேற்றிருந்தனர்.
வெள்ளி, தங்கம் மற்றும் பிளாட்டினம் ஆகிய பிரிவுகளில் அன்பளிப்புகளும் விருதுகளும் வழங்கப்பட்டிருந்தன. வழங்கப்பட்ட அன்பளிப்புகளில் நிறுவன அனுசரணையிலான வெளிநாட்டு சுற்றுப் பயண வாய்ப்புகளும் அடங்கியிருந்தன. வெள்ளிப் பிரிவில் வெற்றியாளர்களுக்கு மலேசியா மற்றும் பாங்கொக் செல்வதற்கான வாய்ப்புக்கள் வழங்கப்பட்டதுடன், தங்கப் பிரிவில் வெற்றியாளர்களுக்கு பாங்கொக், பத்தாயா மற்றும் துபாய் செல்வதற்கும், பிளாட்டினம் வெற்றியாளர்களுக்கு பிலிப்பைன்ஸ் மற்றும் வியட்நாம் ஆகிய நாடுகளுக்கான சுற்றுப் பயண வாய்ப்புகளும் வழங்கப்பட்டிருந்தன. அத்துடன், சான்றிதழ்கள் மற்றும் நினைவுச் சின்னங்களும் வெற்றியாளர்களுக்கு வழங்கப்பட்டிருந்தன.
இந்நிகழ்வின் போது மூன்று மெத்தைகளும் ஆர்பிகோவினால் அறிமுகம் செய்யப்பட்டிருந்தன. அதில், விறுவிறுப்பான வாழ்க்கை முறையை பின்பற்றும் அனைவருக்கும் ஓய்வான மற்றும் புத்துணர்வூட்டும் உறக்க அனுபவத்தினை வழங்கும் ஆர்பிகோ Activa, விசேட அலங்கார சிறப்பம்சங்களைக் கொண்ட ஆர்பிகோ Duke மற்றும் ஆர்பிகோ Green Comfort ஆகியனவும் உள்ளடங்கியிருந்தன. ஆர்பிகோ Duke, சிறந்த முதுகுப்புற ஆதரவினை வழங்கும் வகையில் வடிவமைக்கப்பட்டுள்ளதுடன், சௌகரியத்தை மேம்படுத்தும் வகையில் வடிவமைக்கப்பட்டுள்ள ஆர்பிகோ Green Comfort இல் இயற்கையாக குளிர்ச்சியை வழங்கும் 100% இயற்கை லெடெக்ஸ் லேயர் காணப்படுகின்றது.
றிச்சர்ட் பீரிஸ் அன்ட் கம்பனி பிஎல்சி உள்நாட்டு உற்பத்தி மற்றும் விநியோகத் துறையின் முகாமைத்துவ பணிப்பாளர் லலித் விஜயசிங்க கருத்துத் தெரிவிக்கையில், “இந்த விருதுகள் எமக்கு மிகவும் முக்கியமானவை ஏனெனில், எமது தயாரிப்புகள் நாடளாவிய ரீதியில் எமது வாடிக்கையாளர்களுக்கு சென்றடைய உதவி செய்யும் எமது பங்குதாரர்கள் ஆற்றும் முக்கியத்துவம் வாய்ந்த அர்ப்பணிப்பை கௌரவிக்கும் வகையில் அமைந்துள்ளது. அத்துடன் எமது விற்பனையாளர் இருப்பை விஸ்தரிக்கும் பணிகளை முன்னெடுப்பதுடன் அவர்களுடனான எமது உறவை மீள உறுதி செய்யும் வகையிலும், வருடாந்தம் மைல்கற்களை அடையாளப்படுத்தும் வகையிலும் இந்த விருதுகள் அமைந்துள்ளது. மேலும், வாடிக்கையாளர்களின் உறக்க அனுபவங்களை மேம்படுத்துவதற்கான எமது தொழில்நுட்ப புத்தாக்கத்தில் சிறந்த முன்னேற்றங்களை செயல்படுத்துவதற்கான எங்கள் உறுதிப்பாடு மற்றும் அர்ப்பணிப்பினை அவர்கள் பிரதிநிதித்துவப்படுத்துகின்றனர் ” என்றார்.
பொலியுர்தீன் ஃபோம் மற்றும் ஸ்பிரிங் மெத்தைகள், ஷீட்கள், குஷன்கள் மற்றும் சிலிக்கன் ஃபைபர் தலையணைகள் உற்பத்தியில் முன்னோடியாகத் திகழும் ஆர்பிடெக் (பிரைவட்) லிமிடெட், பல தசாப்த கால கூட்டாண்மை அனுபவத்தை தன்வசம் கொண்டுள்ளது. பெருமைக்குரிய ISO 9001-2015 நியமத்தரத்தை பெற்றுள்ளதுடன், தனது புகழ்பெற்ற ஆர்பிபோமுக்காக SLS நியமத்தரத்தையும் ஆர்பிகோ பின்பற்றுகின்றது. நம்பிக்கையை வென்ற நாமமாக ஆர்பிடெக் (பிரைவட்) லிமிடெட் திகழ்வதுடன், தனது தற்போதைய தாய் நிறுவனமான ரிச்சர்ட் பீரிஸ் அன்ட் கம்பனி பிஎல்சியிடமிருந்து ஒன்பது தசாப்த கால வரலாற்றைக் கொண்டுள்ளது. 1932 ஆம் ஆண்டில் எரிபொருள் நிரப்பு நிலையம் என்பதிலிருந்து ஆரம்பித்த ரிச்சர்ட் பீரிஸ் அன்ட் கம்பனி, நாட்டின் முன்னணி பன்முகப்படுத்தப்பட்ட நிறுவனமாக வளர்ச்சியடைந்து, விற்பனை, பெருந்தோட்டங்கள், இறப்பர், தளபாடங்கள், டயர்கள், பிளாஸ்ரிக்கள், காப்புறுதி, பங்கு முகவர், நிதிச் சேவைகள் மற்றும் சரக்குக் கையாளல் போன்ற பிரிவுகளில் பிரசன்னத்தைக் கொண்டுள்ளது. கொழும்பு பங்குப்பரிவர்த்தனையில் பட்டியலிடப்பட்டுள்ள மாபெரும் நிறுவனங்களில் ஒன்றாக திகழ்வதுடன், சிறந்த வருடாந்த புரள்வையும் கொண்டுள்ளது.
ரிச்சர்ட் பீரிஸ் அன்ட் கம்பனி பிஎல்சியின் உள்நாட்டு உற்பத்தி மற்றும் விநியோக பிரிவின் முகாமைத்துவ பணிப்பாளர் லலித் விஜேசிங்க, ஆர்பிகோ மெட்ரஸ் சிறந்த விற்பனையாளர் விருதுகள் 2024 இன் பிளாட்டினம் விருதினை வழங்குகின்றார்.
ஆர்பிகோ மெட்ரஸ் சிறந்த விற்பனையாளர் விருதுகள் வழங்கும் நிகழ்வில் புதிய உற்பத்திகளின் அறிமுகத்தின் போது, ஆர்பிடெக் (பிரைவட்) லிமிடெட்டின் சந்தைப்படுத்தல் முகாமையாளர் ஜனக பிரியங்கர, உள்நாட்டு உற்பத்தி மற்றும் விநியோக பிரிவின் தலைமை சந்தைப்படுத்தல் அதிகாரி டெரிக் பெரேரா, ஆர்பிடெக் (பிரைவட்) லிமிடெட்டின் பிரிவு தொழிற்சாலை முகாமையாளர் ஜயநாத அல்விஸ், உள்நாட்டு உற்பத்தி மற்றும் விநியோக துறையின் முகாமைத்துவ பணிப்பாளர் லலித் விஜேசிங்க, ஆர்பிடெக் (பிரைவட்) லிமிடெட் விற்பனை தலைமை அதிகாரி பிரதீப் ஜயவீர மற்றும் உள்நாட்டு உற்பத்தி மற்றும் விநியோக பிரிவின் நிதிக் கட்டுப்பாட்டாளர் நிலந்த விதானகே ஆகியோர் காணப்படுகின்றனர்.
Discussion about this post