கொள்ளுப்பிட்டி முதன்மை கிளையின் பாரிய விரிவாக்கம் மூலம் கொழும்பின் பெஷன் துறையை அடுத்த கட்டத்திற்கு கொண்டு செல்லும் பெஷன் பக்

கொள்ளுப்பிட்டி முதன்மை கிளையின் பாரிய விரிவாக்கம் மூலம் கொழும்பின் பெஷன் துறையை அடுத்த கட்டத்திற்கு கொண்டு செல்லும் பெஷன் பக்

இலங்கையின் போட்டித்தன்மை மிக்க ஆடை விற்பனைத் துறையில் தனது கால்தடத்தை மேலும் வலுப்படுத்தும் நோக்கில், Fashion Bug நிறுவனம் அதன் கொள்ளுப்பிட்டி கிளையின் புதிதாக மேம்படுத்தப்பட்ட பிரிவை பெப்ரவரி 18 ஆம் திகதி உத்தியோகபூர்வமாகத் திறந்து வைத்துள்ளது. இந்த மைல்கல்லானது, வாடிக்கையாளர் அனுபவத்தை மேம்படுத்துவதற்கும் தமது வணிகத்தை விரிவுபடுத்துவதற்கும் நிறுவனம் மேற்கொண்டு வரும் தொடர்ச்சியான முதலீட்டை பிரதிபலிக்கிறது.

1998 ஆம் ஆண்டு பெஷன் பக் நிறுவனத்தின் மூன்றாவது கிளையாகவும், கொழும்பில் அமைக்கப்பட்ட முதலாவது கிளையாகவும் கொள்ளுப்பிட்டி கிளை அமைகின்றது. இது நீண்ட காலமாக நிறுவனத்தின் முதன்மை கிளையாக (Flagship store) விளங்கி வருகின்றது. கடந்த 30 வருட காலப்பகுதியில், நிறுவனம் அதிக வாடிக்கையாளர்கள் வந்து செல்லும் ஒரு விற்பனை நிலையமாக பரிணமித்துள்ளதோடு, காலத்திற்கேற்ற நவீன ஆடை வடிவமைப்பு, புத்தாக்கம் மற்றும் வாடிக்கையாளர் நம்பிக்கை ஆகியவற்றுக்கு சான்றாகவும் திகழ்கிறது.

இந்த சமீபத்திய விரிவாக்கமானது 6,000 சதுர அடிக்கும் அதிகமான மேலதிக விற்பனைத் தளத்தை அறிமுகப்படுத்துகிறது. இது வாடிக்கையாளர்களின் வசதியை மேம்படுத்தும் வகையிலும், கொள்வனவு அனுபவத்தை ஒரு புதிய தளத்திற்கு இட்டுச் செல்லும் வகையிலும் நுணுக்கமாக வடிவமைக்கப்பட்டுள்ளது. இந்த மேம்படுத்தல் திட்டத்தினூடாக ஆடைப் பிரிவுகள் மேலும் தெளிவாக வகைப்படுத்தப்பட்டுள்ளதுடன், நவீன ஆடை தொகுப்புகள் மற்றும் விரிவாக்கப்பட்ட வாகன தரிப்பிட வசதிகள் என்பனவும் அறிமுகப்படுத்தப்பட்டுள்ளன.

இந்த விரிவாக்கத்தின் முக்கியத்துவம் குறித்து பெஷன் பக் பணிப்பாளர் ஷபீர் சுபியான் கருத்துத் தெரிவிக்கையில், “எமது வரலாற்று ரீதியான முக்கியத்துவம் வாய்ந்த கிளைகளில் ஒன்றாகத் திகழும் கொள்ளுப்பிட்டியானது, எமது பாரம்பரியத்தையும் எதிர்காலத்திற்கு ஏற்ற வளர்ச்சிக்கான வேகத்தையும் ஒருங்கே பிரதிபலிக்கிறது. இந்த புதிய பிரிவானது, பன்முகப்படுத்தப்பட்ட தயாரிப்புகளை வழங்குவதுடன் நேர்த்தியான சில்லறை விற்பனை அனுபவத்தையும் வாடிக்கையாளர்களுக்கு வழங்குகிறது. அத்துடன் இலங்கையின் பேஷன் விற்பனைத் துறையின் மீதான எமது நம்பிக்கையை இது மீண்டும் உறுதிப்படுத்துகின்றது.” என்றார்.

சந்தைப்படுத்தல் மற்றும் விற்பனை பிரிவின் பிரதி பொது முகாமையாளர் கலாநிதி எஸ்.எச். எம். பராஸ், இந்த விரிவாக்கத்தின் பின்புலத்திலுள்ள வாடிக்கையாளர்களை மையப்படுத்திய அணுகுமுறை குறித்து வலியுறுத்துகையில், “தரவு சார்ந்த நுண்ணறிவுகள் (Data-driven insights) மற்றும் மாறிவரும் வாழ்க்கை முறை போக்குகளுக்கு ஏற்பவே எமது தீர்மானங்கள் எடுக்கப்படுகின்றன. இன்றைய வாடிக்கையாளர்கள் இடவசதி, சௌகரியம், அணுகுமுறை மற்றும் ஒரே கூரையின் கீழ் பலவிதமான தெரிவுகளை எதிர்பார்க்கின்றனர். இந்த புதிய பிரிவானது அத்தகைய எதிர்பார்ப்புகளை வினைத்திறனாக பூர்த்தி செய்வதுடன், எமது பிரதான கிளையில் வாடிக்கையாளர்களின் ஈடுபாட்டை அதிகரிக்கவும் உதவுகிறது.” என்றார்.

இந்நிகழ்வின் போது ‘SAVAGE’ எனும் புதிய ஆடை வர்த்தகநாமம் உத்தியோகபூர்வமாக அறிமுகப்படுத்தப்பட்டது. இது எதற்கும் அஞ்சாத மற்றும் தனித்துவமான அடையாளத்தை விரும்பும் இளைய தலைமுறையினருக்காக உருவாக்கப்பட்ட ஒரு விசேட ‘Streetwear’ வகையாகும். வழமையான ஆடை முறைகளை சவாலுக்கு உட்படுத்தும் வகையிலும், பெரிய அளவு கொண்ட வடிவமைப்புகள் (Oversized silhouettes) மற்றும் வாசகங்கள் கொண்ட வடிவமைப்புகள் (Statement graphics) கொண்டும் இது வடிவமைக்கப்பட்டுள்ளது. வீதிக் கலாசாரத்தை (Street culture) அடிப்படையாகக் கொண்டு உருவான இந்த வர்த்தகநாமம், வெறுமனே ஒரு ஆடைத் தெரிவு மட்டுமல்ல, மாறாக அது ஒரு மனப்பாங்கை (Mindset) வெளிப்படுத்துகிறது. “No Rules. Just Drip” எனும் தாரக மந்திரத்தை மையமாகக் கொண்ட ‘SAVAGE வர்த்தகநாமமானது’, இளைஞர்கள் தங்கள் அடையாளத்தை வெளிப்படுத்தவும், எல்லைகளை தகர்க்கவும், உறுதியுடன் வெளிப்படவும் வலுவூட்டுகிறது.

1994 ஆம் ஆண்டு பண்டாரவளையில் ஏழு ஊழியர்களுடன் மாத்திரம் ஆரம்பிக்கப்பட்ட பெஷன் பக் நிறுவனம், இன்று 1,250 இற்கும் மேற்பட்ட ஊழியர்கள் மற்றும் நாடளாவிய ரீதியிலான கிளை வலைப்பமைப்பைக் கொண்ட இலங்கையின் முன்னணி ஆடை மற்றும் வாழ்க்கை முறை வர்த்தக நிறுவனங்களில் ஒன்றாக வளர்ந்துள்ளது. கொள்ளுப்பிட்டி கிளையின் இந்த விரிவாக்கமானது, புத்தாக்கம் தொடர்பான நிறுவனத்தின் அர்ப்பணிப்பையும், பரந்த அளவிலான வாடிக்கையாளர்களுக்கு நவீன ஆடை அனுபவங்களை வழங்குவதற்கான அதன் கடப்பாட்டையும் பறைசாற்றுகிறது.