නව ගිලන් රථ දෙකක් පරිත්යාග කරමින් හදිසි රෝහල් ප්රතිකාර සේවා තවදුරටත් පුළුල් කිරීමට HNB, සුවසැරිය පදනම සමඟ අත්වැල් බැඳගනී
1990 සුවසැරිය ගිලන්රථ සේවයට ආධාර පිණිස දියත් කර ඇති ‘ගිලන් රථයක් දරුකමට හදා ගන්න’ වැඩසටහනට සහාය වෙමින් හැටන් නැෂනල් බැංකුව ගිලන් රථ දෙකක් පරිත්යාග කරමින් මහජන සුබසාධනය සඳහා සිය කැපවීම නැවතත් අවධාරණය කළේය. මෙම ප්රයත්නය දිවයින පුරා හදිසි රෝහල් ප්රතිකාර සේවා වැඩිදියුණු කිරීමට සහ නොමිලේ පූර්ව රෝහල් ප්රතිකාර සේවා ලබා දීමෙන් ජීවිත ආරක්ෂා කිරීමට වැඩි ප්රවේශයක් ලබා දීමේ HNB හි අඛණ්ඩ කැපවීමේ කොටසකි.
මෙම ගිලන් රථ නිල වශයෙන් භාරදීම සඳහා පැවති විශේෂ උත්සවය සඳහා HNB කළමනාකාර අධ්යක්ෂ/ප්රධාන විධායක නිලධාරී දමිත් පල්ලෙවත්ත, HNB ජ්යෙෂ්ඨ විධායක උප සභාපති/ප්රධාන මෙහෙයුම් නිලධාරී සන්ජේ විජේමාන්න, ජ්යෙෂ්ඨ උප සභාපති, උපායමාර්ග ප්රියංකා විජයරත්න, තිරසාර ව්යාපාර විධායක ෂැනෙල් පෙරේරා සහ 1990 සුවසැරිය පදනමේ ප්රධාන විධායක නිලධාරී සොහාන් ද සිල්වා යන මහත්ම මහත්මීන් සහභාගී විය.
මෙම අවස්ථාවට එක්වෙමින් HNB කළමනාකාර අධ්යක්ෂ/ප්රධාන විධායක නිලධාරී දමිත් පල්ලෙවත්ත මහතා පැවසුවේ “හදිසි අවස්ථාවකදී ඉක්මනින් වෛද්ය ආධාර ලබා දීමෙන් ජීවිත බේරා ගත හැකියි. ‘ගිලන් රථයක් දරුකමට හදා ගන්න’ වැඩසටහන හරහා මෙරට හදිසි රෝහල් ප්රතිකාර සේවා ශක්තිමත් කිරීමට දායක වීමට ලැබීම ගැන අප නිහතමානීව ආඩම්බර වනවා. රටපුරා සිටින ජනතාවට උපකාර කිරීමට සහ හදිසි ප්රතිකාර වැනි වැදගත් මහජන සේවාවලට සහාය වීමට අපගේ අඛණ්ඩ කැපවීම මෙයින් පෙන්නුම් කරනවා,” යනුවෙනි.
1990 සුවසැරිය පදනමේ ප්රධාන විධායක නිලධාරී සොහාන් ද සිල්වා මහතා HNB ලබා දුන් සහයෝගයට මෙහිදී ස්තූති කළ අතර මෙම ගිලන් රථ සේවාව පවත්වාගෙන යාම සඳහා ආයතන විසින් ලබා දෙන දායකත්වය ඉතා වැදගත් බව පැවසීය.
‘HNB වැනි ආයතනවල සහාය අපගේ හදිසි රෝහල් ප්රතිකාර සේවාවන් වැඩිදියුණු කිරීමට සහ වර්ධනය කිරීමට අපට උපකාරී වනවා. මෙම පරිත්යාගයට ස්තූතිවන්ත වන්නට, සියලු ශ්රී ලාංකිකයින්ට රෝහලට ළඟා වීමට පෙර නොමිලේ වෛද්ය උපකාර ලබා දීමට හැකි බව සහතික කරනවා. මෙම නව ගිලන් රථ දෙක අපට ඉක්මනින් රෝගීන් කරා ළඟා වීමටත් හදිසි අවස්ථාවන්ට වඩා හොඳින් ප්රතිචාර දැක්වීමටත් උපකාරී වේවි.” යනුවෙන් ඔහු පැවසුවේය.
හදිසි රෝහල් ප්රතිකාර සේවා ලබා දීම සඳහා පිළිගැනීමට ලක්ව ඇති 1990 සුවසැරිය ගිලන් රථ සේවාව දිවයින පුරා සිටින රෝගීන් රෝහලට ළඟා වීමට පෙර ඉක්මන් සහ නොමිලේ හදිසි වෛද්ය ප්රතිකාර ලබා දෙමින් දිනපතා පුද්ගලයින් දහස් ගණනකට උපකාර කරනු ලබයි. HNB හි මෙම පරිත්යාගයත් සමඟින් 1990 සුවසැරිය ගිලන් රථ සේවාවට දැන් තවත් රෝගීන් වෙත ඉක්මනින් ළඟා වීමට සහ හදිසි අවස්ථාවලදී වේගවත් හා වඩාත් හොඳ වෛද්ය සත්කාර සේවා ලබා දීමට හැකි වනු ඇත.
‘ගිලන් රථයක් දරුකමට හදා ගන්න’ වැඩසටහන සඳහා HNB දායකත්වය ලබා දීම මහජන සෞඛ්ය සහ යහපැවැත්ම කෙරෙහි අවධානය යොමු කරන බැංකුවේ පුළුල් ආයතික සමාජ සත්කාර සැලසුමේ කොටසකි. විවිධ සංවිධාන සමඟ එක්ව කටයුතු කිරීමෙන්, ශ්රී ලංකාවේ ජනතාවට දිගුකාලීන ධනාත්මක වෙනසක් ඇති කරන ව්යාපෘති සඳහා HNB අඛණ්ඩව සහාය දක්වයි.
ඡායාරූපය
HNB කළමනාකාර අධ්යක්ෂ/ප්රධාන විධායක නිලධාරී දමිත් පල්ලෙවත්ත මහතා විසින් 1990 සුවසැරිය පදනමේ ප්රධාන විධායක නිලධාරී සොහාන් ද සිල්වා මහතා වෙත ගිලන් රථ දෙක භාර දෙමින්. HNB ජ්යෙෂ්ඨ විධායක උප සභාපති/ප්රධාන මෙහෙයුම් නිලධාරී සන්ජේ විජේමාන්න, ජ්යෙෂ්ඨ උප සභාපති, උපායමාර්ග ප්රියංකා විජයරත්න සහ විධායක – තිරසාර ව්යාපාර ෂැනෙල් පෙරේරා යන මහත්ම මහත්මීන් ද ඡායාරූපයේ වෙයි.
