ඩිජිටල් ආර්ථික වර්ධනයට සහාය වීම සඳහා පවත්වනු ලබන 2025 ශ්රී ලංකා ෆින්ටෙක් සමුළුව සැප්තැම්බර් මාසයේදී
Tecxa පුද්ගලික සමාගම, ඩිජිටල් ආර්ථික අමාත්යාංශය, මුදල්, සැලසුම් සහ ආර්ථික සංවර්ධන අමාත්යාංශය, හැටන් නැෂනල් බැංකුව සහ ශ්රී ලංකා ෆින්ටෙක් සංසදය සමඟින් එක්ව 2025 ශ්රී ලංකා ෆින්ටෙක් සමුළුව සැප්තැම්බර් මාසයේදී පැවැත්වෙන බව නිවේදනය කළේය.
‘’Empowering Sri Lanka’s Digital Economy: Innovations Driving Financial Inclusion and Growth” යන තේමාව යටතේ සැප්තැම්බර් 24 සහ 25 යන දිනවල කොළඹ බණ්ඩාරනායක අනුස්මරණ ජාත්යන්තර සම්මන්ත්රණශාලාවේදී (BMICH) මෙම සමුළුව පැවැත්වේ. රටවල් 25 කට අධික සංඛ්යාවකින් 2,000 කට අධික පිරිසක් මෙයට සහභාගී වීමට නියමිතය.
මෙම දෙදින උත්සවය ප්රධාන මාතෘකා හයක් කෙරෙහි අවධානය යොමු කරනු ඇත. ඒවා නම් මූල්ය ක්ෂේත්රයේ අනාගතයත ජාත්යන්තර සහ කලාපීය ප්රවණතාත බ්ලොක්චේන්ත කෘතිම බුද්ධිය (AI) හා ක්රිප්ටො මුදල් වැනි නව තාක්ෂණයන්ත මූල්ය නවෝත්පාදනය සහ අන්තර්ගතභාවයත නීති සහ රෙගුලාසි සහ ආයෝජන, අංකුර ව්යවසායක වර්ධනය වේ. තවද මෙම මාතෘකා ස්ථාන පහකදී පැවැත්වෙන විවිධ සැසිවලදී සාකච්ඡා කරනු ඇති අතර ෆින්ටෙක් ව්යාපාරවල නිර්මාතෘවරුන්, විශ්වවිද්යාලවල ආචාර්යවරුන්, බැංකු, තාක්ෂණික සමාගම් සහ රජයේ නිලධාරීන් මෙම සමුළුවට සහභාගී වීමට නියමිතය.
මේ පිළිබඳව අදහස් දක්වමින් ඩිජිටල් ආර්ථික අමාත්යාංශයේ නියෝජ්ය අමාත්ය ඉංජිනේරු එරංග වීරරත්න මහතා පැවසුවේ “ශ්රී ලංකාව ඩිජිටල් ආර්ථිකයක් කරා යන ගමනේ සුවිශේෂී සන්ධිස්ථානයකට පැමිණ තිබෙනවා. 2030 වන විට ඇමරිකානු ඩොලර් බිලියන 15 ක ඩිජිටල් ආර්ථිකයක් කරා ළඟා වීමට නම්, 2025 ශ්රී ලංකා ෆින්ටෙක් සමුළුව වැනි අවස්ථා අපට අවශ්යයි. එය අපට නව අදහස් ගෙන ඒමට, ශක්තිමත් උපායමාර්ග ගොඩනඟා ගැනීමට, ආයෝජන ආකර්ෂණය කර ගැනීමට සහ පුළුල් නීති රීති සකස් කිරීමට උපකාරී වනවා. මෙම සමුළුව රජයට, ව්යාපාරවලට සහ ගෝලීය හවුල්කරුවන්ට එකට වැඩ කිරීමටත්, අභියෝග විසඳීමට සහ රටේ අනාගත ඩිජිටල් පද්ධති ප්රවේශමෙන් ගොඩනැගීමට කදිම අවස්ථාවක් වනු ඇති බව මට විශ්වාසයි.” යනුවෙනි.
“මූල්ය ක්ෂේත්රයේ අනාගතය වන්නේ ඩිජිටල්කරණය වන අතර ශ්රී ලංකාව එය අනුගමනය කිරීම පමණක් නොව ඊට නායකත්වය ලබා දිය යුතුයි. මෙම සමුළුව මහ බැංකුවේ ඩිජිටල් මුදල් (CBDC) පරීක්ෂා කිරීම සහ මූල්ය දත්ත ආරක්ෂිතව බෙදා ගැනීමට ඉඩ සලසන විවෘත බැංකුකරණය වැනි පද්ධති පිහිටුවීම වැනි නව මූල්ය තාක්ෂණයන් සඳහා පැහැදිලි සහ ශක්තිමත් නීති හා මාර්ගෝපදේශ නිර්මාණය කිරීමට උපකාරී වනු ඇති බව අපට විශ්වාසයි. 2030 වසර වන විට ශ්රී ලංකාවේ සෑම කෙනෙකුටම මූල්ය සේවාවන් වෙත ප්රවේශ විය හැකි බව සහතික කිරීම සඳහා ජාත්යන්තර හවුල්කාරිත්වයන් ගොඩනැගීමට ද එය සහාය වනු ඇති අතර ශ්රී ලංකාව දකුණු ආසියාවේ ප්රමුඛ ඩිජිටල් මූල්ය මධ්යස්ථානයක් බවට පත් කිරීම එහි ඉලක්කයයි.’’ යනුවෙන් ශ්රී ලංකා ෆින්ටෙක් සංසදයේ සභාපති චන්න ද සිල්වා මහතා පැවසුවේය.
මෙහි සංවිධායකයින්ගේ ප්රධාන අරමුණක් වන්නේ මෙම සමුළුව පැවැත්වෙන අතරතුර ඇමරිකානු ඩොලර් මිලියන 100 කට අධික ඍජු විදේශ ආයෝජන ලබා ගැනීම සහ 2030 වන විට වාර්ෂිකව ඇමරිකානු ඩොලර් මිලියන 500 ක ඍජු විදේශ ආයෝජන ලබා ගැනීමට සැලසුම් කිරීමයි. තවද මෙම ආයෝජන 95% ක මූල්ය අන්තර්ගතභාවය කරා ළඟා වීමටත්, දළ දේශීය නිෂ්පාදිතයෙන් 3% ක දායකත්වයක් ලබා දීම සඳහා මූල්ය තාක්ෂණ අංශය වර්ධනය කිරීමටත් සහ 2030 වන විට දේශීය ෆින්ටෙක් ව්යාපාර 200 කට අධික සංඛ්යාවකට සහාය වීමටත් උපකාරී වනු ඇත.
මීට අමතරව මෙම ප්රධාන උත්සවයට පෙර ශ්රී ලංකා ෆින්ටෙක් සමුළුවේ නිල වෙබ් අඩවිය දියත් කිරීම සඳහා ICTA ශ්රවණාගාරයේදී විශේෂ උත්සවයක් ද පැවැත්විණි.
මෙම සමුළුව පිළිබඳව අදහස් දක්වමින් HNB කළමනාකාර අධ්යක්ෂ/ප්රධාන විධායක නිළධාරී දමිත් පල්ලෙත්ත මහතා පැවසුවේ “මූල්ය සේවා වෙත ප්රවේශය වැඩිදියුණු කිරීමෙන් සහ නවෝත්පාදන හා ආයෝජන සඳහා නව අවස්ථා නිර්මාණය කිරීමෙන් ශ්රී ලංකාවේ ආර්ථිකය වර්ධනය කිරීමට ෆින්ටෙක් කැපවී කටයුතු කරනවා. මෙම වැදගත් සමුළුවට දායකත්වය ලබා දීම සහ ශක්තිමත්, වඩාත් ඩිජිටල් ශ්රී ලංකාවක් ගොඩනැගීමට උපකාර කිරීමට හැකි වීම පිළිබඳව HNB ආඩම්බර වනවා.” යනුවෙනි.
ඡායාරූප
Image 1 – වමේ සිට දකුණට: ශ්රී ලංකා ෆින්ටෙක් සංසදයේ සභාපති චන්න ද සිල්වා; ඩිජිටල් ආර්ථිකය පිළිබඳ නියෝජ්ය අමාත්ය ඉංජිනේරු එරංග වීරරත්න; TEXCA හි නිර්මාතෘ සහ ප්රධාන විධායක නිලධාරිනී ආචාර්ය කුමුදු මේගසූරිය සහ HNB කළමනාකාර අධ්යක්ෂ/ප්රධාන විධායක නිලධාරී දමිත් පල්ලෙවත්ත යන මහත්ම මහත්මීන් ICTA ශ්රවණාගාරයේදී පැවති 2025 ශ්රී ලංකා ෆින්ටෙක් සමුළුවේ වෙබ් අඩවිය නිල වශයෙන් දියත් කිරීමේ අවස්ථාවට එක්වෙමින්.
Image 2 – චන්න ද සිල්වා, ඉංජිනේරු එරංග වීරරත්න, දමිත් පල්ලෙවත්ත සහ ආචාර්ය කුමුදු මේගසූරිය යන මහත්ම මහත්මීන් සැප්තැම්බර් 24-25 යන දිනවල කොළඹ BMICH හිදී පැවැත්වීමට නියමිත ශ්රී ලංකා ෆින්ටෙක් සමුළුව 2025 නිවේදනය කරන මාධ්ය හමුවේදී.
