ප්රීමා සන්රයිස් 2026 ශ්රී ලංකා කලාපීය කණිෂ්ඨ විවෘත ගොල්ෆ් ශූරතාවලියට අනුග්රහය දක්වයි
2026 මැයි 19 කොළඹදීය: ප්රීමා සන්රයිස්, මෙරට ගොල්ෆ් ක්රීඩා දක්ෂතා වර්ධනය කිරීමට සිය කැපවීම යළි තහවුරු කරමින්, ශ්රී ලංකා ගොල්ෆ් ආයතනය විසින් සංවිධානය කළ ශ්රී ලංකා කලාපීය කණිෂ්ඨ විවෘත ගොල්ෆ් ශූරතාවලියට අනුග්රාහකත්වය ලබා දුන්නේය. මෙම තරඟාවලිය 2026 මැයි 8 – 10 දක්වා දින තුනක් පුරා නුවරඑළිය ගොල්ෆ් සමාජ ක්රීඩාංගණයේදී පැවැත්විණි.
මෙම ශූරතාවලියට දිවයිනේ දක්ෂතම කණිෂ්ඨ ගොල්ෆ් ක්රීඩකයින් රැසක් එක් වූ අතර, සියලු කාණ්ඩවලින් විශිෂ්ට දක්ෂතා දැකගත හැකි විය. පිරිමි රන් කාණ්ඩයේ ශූරතාව ලකුණු 216ක් ලබාගත් රෙෂාන් අල්ගම විසින් දිනාගන්නා ලදී. ඔහු තරඟ වට තුනේදී පිළිවෙළින් 72, 71 සහ 73 ලෙස දක්ෂතා දැක්වීය. අනුරාධපුර ලයිසියම් ජාත්යන්තර පාසල නියෝජනය කළ ලවිදු ප්රේමරත්න ලකුණු 218ක් සමඟ අනුශූරතාව හිමිකරගත් අතර, ආනන්ද විද්යාලයේ ආදිත්ය වීරසිංහ දෙවන වටයේදී ලකුණු 69ක විශිෂ්ට වාර්තාවක් සමඟ මුළු ලකුණු 219ක් ලබා එම අංශයේ තෙවන ස්ථානයට පත්විය.
කාන්තා රන් හා රිදී ඒකාබද්ධ කාණ්ඩයද උණුසුම් තරඟයක් බවට පත්වූ අතර, දිගන ජාත්යන්තර පාසලේ සිතාරා ලෝරන්ස් ලකුණු 266ක් සමඟ ශූරතාව හිමිකරගත්තාය. තරඟාවලිය පුරා ස්ථාවරත්වය සහ විශිෂ්ට ක්රීඩා විලාසයක් ප්රදර්ශනය කළ ඇය, මහනුවර යහපත් එඬේරාගේ කන්යාරාමය නියෝජනය කළ අනුමි කරුණාතිලක, සහ අනුරාධපුර ලයිසියම් ජාත්යන්තර පාසලේ ගෙනුලි වීරකෝන් වෙතින් එල්ල වූ දැඩි අභියෝගයට සාර්ථකව මුහුණ දුන්නාය. ඔවුන් දෙදෙනාම ලකුණු 274ක් ලබා සම අනුශූරතාව හිමිකරගත්හ.
ශ්රී ලංකා කලාපීය කණිෂ්ඨ විවෘත ගොල්ෆ් ශූරතාවලිය සඳහා අනුග්රහය දැක්වීම හරහා, තරුණ ක්රීඩක ක්රීඩිකාවන්ගේ දක්ෂතා ඔප්නැංවීමට සහ කණිෂ්ඨ ගොල්ෆ් ක්රීඩාවේ වර්ධනය සඳහා ප්රීමා සන්රයිස් තවදුරටත් කැපවී සිටියි. මෙමඟින් ක්රීඩාවේ දියුණුව වෙනුවෙන් ප්රීමා සන්රයිස් දක්වන කැපවීම මෙන්ම, අනාගත ගොල්ෆ් ක්රීඩකයන්ට නව අවස්ථා සලසාදීමේ එහි මෙහෙවරද නිරූපණය කරයි.
