සැම්සන් ට්රේඩින් (පුද්.) සමාගම TVS සමඟ එක්ව යතුරුපැදි ක්ෂේත්රයේ නව හැරවුම් ලක්ෂයක් සටහන් කරයි
2026 මැයි 26 කොළඹදීය: DSI සැම්සන් සමූහයට අනුබද්ධ සැම්සන් ට්රේඩින් (පුද්.) සමාගම, TVS ලංකා (පුද්.) සමාගම සමඟ අත්වැල් බැඳගනිමින් තම ප්රථම අලෙවි ප්රදර්ශනාගාරය මාලඹේ නගරයේදී පසුගිය 23 වැනිදා ආරම්භ කරන ලදී. මෙම සහයෝගීතාවය මඟින් සැම්සන් ට්රේඩින් (පුද්.) සමාගම තම ආයතනය පිළිබඳ පාරිභෝගික විශ්වාසය තවදුරටත් ශක්තිමත් කරමින් යතුරුපැදි ක්ෂේත්රයේ නව හැරවුම් ලක්ෂයක් සනිටුහන් කරයි.
TVS යතුරුපැදි සඳහා පමණක්ම වෙන් වූ මෙම ප්රදර්ශනාගාරය, ස්කූටර් වර්ගයේ යතුරුපැදි මෙන්ම අනෙකුත් TVS යතුරුපැදි මාදිලි සඳහාද පාරිභෝගිකයන්ට උසස් ගුණාත්මක අත්දැකීමක් සමීප කරයි. අලුතින්ම හඳුන්වාදුන් TVS Ronin යතුරුපැදිය මෙන්ම TVS Apache RTR මාලාව, TVS Raider, TVS Ntorq 125, TVS Jupiter, TVS Sport සහ TVS XL100 යන මාදිලි ඇතුළු මෙරටදී ලබාගත හැකි සියලුම TVS යතුරුපැදි මාදිලි මෙහිදී පාරිභෝගිකයන්ට මිලදී ගැනීමට හැකිය.
මෙම නව ප්රදර්ශනාගාරය විවෘත කිරීමේ අවස්ථාවට TVS ලංකා (පුද්.) සමාගම, සැම්සන් ට්රේඩින් (පුද්.) සමාගම සහ DSI සැම්සන් සමූහය නියෝජනය කරමින් එම ආයතනවල ජ්යෙෂ්ඨ නියෝජිතයන් පිරිසක් සහභාගී විය. ඒ අතර ඩී සැම්සන් සහ පුත්රයෝ පුද්ගලික සමාගමෙහි කළමනාකාර අධ්යක්ෂ තුසිත රාජපක්ෂ මහතා, එහි සාමාන්යාධිකාරී ප්රදීප් සමරතුංග මහතා මෙන්ම සැම්සන් ට්රේඩින් (පුද්.) සමාගමේ කළමනාකාර අධ්යක්ෂ අසංක රාජපක්ෂ මහතා ද එක්වූහ. එමෙන්ම TVS ලංකා (පුද්.) සමාගම නියෝජනය කරමින් එහි ප්රධාන විධායක නිලධාරී ගීතාල් ඇන්තනී මහතා සහ එහි සහකාර සාමාන්යාධිකාරී (විකුණුම්) මාලක වේහැල්ල මහතා ද සහභාගී විය.
මෙහිදී අදහස් දක්වමින් සැම්සන් ට්රේඩින් (පුද්.) සමාගමේ කළමනාකාර අධ්යක්ෂ අසංක රාජපක්ෂ මහතා සඳහන් කළේ, “මෙම නව ප්රදර්ශනාගාරය යතුරුපැදි අලෙවි ක්ෂේත්රය තුළ අප තැබූ වැදගත් පියවරක්. වසර 47ක ඉතිහාසයකට හිමිකම් කියන සැම්සන් ට්රේඩින් (පුද්.) සමාගම පාරිභෝගිකයන් අතර ගුණාත්මකභාවය පිළිබඳ විශ්වසනීයත්වය තහවුරු කර තිබෙනවා. TVS ලංකා (පුද්.) සමාගම සමඟ ඇතිකරගත් මෙම සහයෝගීතාවය ඔස්සේ, විශ්වසනීයත්වය මූලික කරගත් උසස් මට්ටමේ නවීන අත්දැකීමක් පාරිභෝගිකයා වෙත ලබාදීම අපගේ අරමුණයි. එමෙන්ම මෙම සහයෝගීතාවය හරහා ලොව සුප්රකට TVS යතුරුපැදි මාදිලි ලබාගැනීමේ පහසුකම පාරිභෝගිකයා වෙත ලබාදෙමින්, ඔවුන්ට වඩාත් සුවිශේෂී පාරිභෝගික අත්දැකීමක් ලබාදීමට අපි කැපවී සිටිනවා” යනුවෙන්ය.
TVS ලංකා (පුද්.) සමාගමේ ප්රධාන විධායක නිලධාරී ගීතාල් ඇන්තනී මහතා සිය අදහස් දක්වමින් පැවසුවේ, “මෙම සහයෝගීතාවයන් නිර්මාණය කරගැනීම තුළින් දිවයින පුරා අලෙවි නියෝජිත ජාලය ශක්තිමත් කරමින්, සියලුම නවීන යතුරුපැදි මාදිලි පාරිභෝගිකයා වෙත පහසුවෙන් ළඟා කරවීමට TVS ආයතනය නිරන්තරයෙන් කැපවී සිටිනවා. සැම්සන් ට්රේඩින් (පුද්.) සමාගම සමඟ එක්ව මාලඹේ නගරයේ ආරම්භ කරන ලද මෙම නවතම ප්රදර්ශනාගාරය එහි තවත් එක් වැදගත් පියවරක් ලෙස සඳහන් කළ හැකිය. දිවයින පුරා ශක්තිමත් අලෙවි නියෝජිත ජාලයක් ගොඩනැඟීමට අප සතු කැපවීම මෙම සහයෝගීතාවය මඟින් තවදුරටත් තහවුරු වේ” යනුවෙන්ය.
මෙම නව ප්රදර්ශනාගාරය විවෘත කිරීමත් සමඟ සැම්සන් ට්රේඩින් (පුද්.) සමාගම සහ TVS ලංකා (පුද්.) සමාගම අතර පවතින සබඳතාවය තවදුරටත් ශක්තිමත් වන අතර, මෙරට යතුරුපැදි ධාවකයන්ට ජාත්යන්තර මට්ටමේ යතුරුපැදි මෙන්ම විශිෂ්ට පාරිභෝගික සේවා අත්දැකීමක් ලබාගැනීමටද මඟ පාදයි. DSI සැම්සන් සමූහය සතු දශක ගණනක විශ්වාසය සහ TVS තාක්ෂණය සමඟ මුසුවූ පරිපූර්ණ හා නවීන පාරිභෝගික අත්දැකීමක් ලබාදීම සඳහා මෙම ප්රදර්ශනාගාරය දැන් මාලඹේ ප්රදේශයේ විවෘතව පවතියි.
