ඉදිරි පරපුරේ දක්ෂ වෘත්තිකයන් බිහි කිරීමේ අරමුණින්,
INSEE සිමෙන්ති සමාගම, NAITA සහ IETI සමඟ එක්ව දියත් කළ වෘත්තීය පුහුණු හවුල්කාරිත්වය 2031 දක්වා දීර්ඝ කරයි
INSEE සිමෙන්ති සමාගම, ජාතික ආධුනිකත්ව සහ කාර්මික පුහුණු කිරීමේ අධිකාරිය (NAITA) සහ කටුබැද්ද ඉංජිනේරු තාක්ෂණික ආයතනය (IETI) සමඟ පැවති අවබෝධතා ගිවිසුම 2031 දක්වා නැවත දීර්ඝ කරන්නට තීරණය කර ඇත. මේ හරහා ශ්රී ලංකාවේ ප්රමුඛතම වෘත්තීය පුහුණු වැඩසටහනක් නොකඩවා පවත්වාගෙන යාමට සියලු පාර්ශවයන්ට අවස්ථාව හිමි වේ.
මෙම හවුල්කාරිත්වය නැවත දීර්ඝ කිරීම මඟින් NAITA සහ IETI ආයතන සමඟ දිගුකාලීනව කටයුතු කිරීමට INSEE සමාගම තුළ ඇති උනන්දුව හා කැපවීම පෙන්නුම් කෙරේ. එමෙන්ම, අධ්යාපනය සහ කර්මාන්ත ක්ෂේත්රය අතර පරතරය අවම කිරීම වෙනුවෙන් මෙකී සියලු පාර්ශවයන් තුළ ඇති පොදු අරමුණද මේ තුළින් නැවත වරක් තහවුරු වේ.
මෙම වෘත්තීය පුහුණු වැඩසටහන සිදුකරනු ලබන්නේ NAITA සහ IETI ආයතන එක්ව, INSEE Academy හරහා ක්රියාත්මක වන INSEE Enterprise-based Vocational Education (EVE) මධ්යස්ථානය විසිනි. 2007 වසරේ ආරම්භ වූ මෙම වැඩසටහන, පසුගිය වසර 19 පුරා මෙරට ශ්රම බලකාය වර්ධනය කිරීමට දැක්වූ දායකත්වය නිසා, කර්මාන්ත ක්ෂේත්රය හා සම්බන්ධ ශ්රී ලංකාවේ දීර්ඝතම කාලයක් පුරා පවත්වාගෙන යනු ලබන අධ්යාපනික වැඩසටහන ලෙස ඉහළ ඇගයීමකට ද ලක්ව ඇත.
EVE මධ්යස්ථානය හරහා සිසුන් වසර 1 ½ක NVQ 4 වන මට්ටමේ (Level 4) ජාතික වෘත්තීය සුදුසුකම් පාඨමාලාව හදාරනු ලබයි. මෙහිදී පන්ති කාමර ඉගැන්වීම් මෙන්ම INSEE සමාගමේ පුත්තලම සිමෙන්ති කර්මාන්තශාලාව තුළ ප්රායෝගික කාර්මික පුහුණුවද ලබාදේ. විදුලි කාර්මික (Electrician) සහ General Fitter යන ක්ෂේත්රයන් යටතේ පැවැත්වෙන මෙම පුහුණුවීම් NAITA උපදේශකයින් සහ INSEE ආයතනයේ පළපුරුදු තාක්ෂණික වෘත්තිකයන් විසින් මෙහෙයවනු ලබයි. එමඟින් නිෂ්පාදන සහ ඉංජිනේරු ක්ෂේත්රයන්හි රැකියා සඳහා අවශ්ය පරිදි සිසුන් ක්ෂේත්රයට සූදානම් කරවීම ද සිදු කෙරේ.
මෙම දිගුකාලීන හවුල්කාරිත්වය යටතේ අ.පො.ස. උසස් පෙළ සමත් තරුණ තරුණියන්ට ජාතික මට්ටමේ පිළිගත් තාක්ෂණික සුදුසුකම් මෙන්ම ප්රායෝගික කාර්මික අත්දැකීම්ද ලබාදෙයි. 2026 වසරේදී මෙම වැඩසටහන එහි 16වන කණ්ඩායම බඳවාගත් අතර, ඊට විදුලි කාර්මික ක්ෂේත්රයේ 12 දෙනෙකු සහ General Fitter ක්ෂේත්රයේ 12 දෙනෙකු වශයෙන් දැනට සිසුන් 24 දෙනෙකු පුහුණුව ලබයි.
ආරම්භ කළ දින සිට මේ දක්වා, EVE මධ්යස්ථානය මඟින් NVQ සුදුසුකම් ලත් උපාධිධාරීන් 260කට වැඩි පිරිසක් බිහි කර ඇත. අධ්යාපනය සහ රැකියා ක්ෂේත්රය අතර පරතරය අවම කිරීමටත්, ශ්රී ලංකාවේ දක්ෂ තාක්ෂණික ශ්රම බලකාය බලගැන්වීමටත් මෙම වැඩසටහන කොතරම් ඉවහල් වී ඇත්ද යන්න මෙම හවුල්කාරිත්වයේ පසුගිය ප්රගතිය විමර්ශනය කර බැලීමේදී පැහැදිලි වේ.
INSEE සමාගම අතින් මෙම වැඩසටහන වැදගත් වන්නේ, පොතපත දැනුම මෙන්ම ප්රායෝගික පුහුණුවද ඇති සුදුසුකම් ලත් වෘත්තිකයන් නිරන්තරයෙන් තම ආයතනයට සම්බන්ධ කර ගැනීමට අවස්ථාව උදා වීම නිසාවෙනි. එමෙන්ම, සමාගමේ වර්ධනය රටේ ශ්රම බලකායේ අවශ්යතාවයන්ට ගැළපෙන සේ සකස් කරමින්, තරුණ තරුණියන්ට රැකියා අවස්ථා ලබාදීමටත්, ව්යාපාරික දියුණුව සමඟ සමාජයට සහ දේශීය ප්රජාවගේ සුබසාධනයට දායක වීමටත් INSEE සමාගම දක්වන කැපවීම ද මෙයින් මනාව පැහැදිලි වේ.
දක්ෂ වෘත්තිකයන්ගෙන් පිරි ඊළඟ පරපුරක් නිර්මාණය කරමින්, ක්ෂේත්රයේ ප්රමුඛයෙකු මෙන්ම වගකීම්සහගත ආයතනයක් ලෙස තම කාර්යභාරය තහවුරු කිරීමට INSEE සමාගම කවදත් නොපසුබටව කටයුතු කරන සමාගමකි. EVE මධ්යස්ථානය හරහා, INSEE සිමෙන්ති සමාගම මෙරට ජනතාවගේ සහ ශ්රී ලංකාවේ කාර්මික සංවර්ධනයේ අනාගතය වෙනුවෙන් මෙවැනි ඵලදායී ආයෝජනයන් අඛණ්ඩව සිදු කරන්නට සැදී පැහැදී සිටියි.
