සිය කටහඬ භාවිත කරමින් TikTok හරහා සමාජය අවදි කරන සාෂා කේ
අද වන විට සමාජ මාධ්ය විනෝදාස්වාදය අභිබවා යමින් සමාජය දැනුවත් කිරීමේ ප්රබල සාධකයක් බවට පත්ව ඇත්තේ නිර්මාණකරුවන් රැසකට සුවිසල් අවස්ථාවන් සලසා දෙමිනි. සාෂා කේ හෙවත් සාෂා කරුණාරත්නද ද එවන් අවස්ථාවක් තුළින් TikTok වේදිකාව ජයගත් නිර්මාණකාරිනියකි.
රූපවාහිනී නිවේදිකාවක් ලෙස ජනප්රියත්වයට පත් ඇය රූපවාහිනියේ සාම්ප්රදායික සීමාවන් අභිබවා යමින් මිලියන සංඛ්යාත ප්රේක්ෂක පිරිසක් වෙත සමීප වන්නේ TikTok නිර්මාණකරුවෙක් ලෙසිනි. නිවේදිකාවක් ලෙස ඇයගේ අත්දැකීම් හා හැකියාවන් මනාව භාවිත කරමින් TikTok තුළ වර්ණභේදය හා ඔසප් දරිද්රතාව වැනි සුවිශේෂී මාතෘකා තුළින් ප්රේක්ෂකයන් දැනුවත් කිරීමට ඇය කටයුතු කරයි.
ඒ නිසාම නිවේදිකාවක් ලෙස කෙටි නිර්මාණශීලී වීඩියෝ තුළින් සිය ප්රේක්ෂකයින් සමඟ සම්බන්ධ වෙමින් සුවිසල් වෙනසක් ඇති කිරීමට සමත්ව ඇති සාෂා ඒ පිළිබඳ දරන්නේ මෙවන් අදහසකි. “රූපවාහිනියට සාපේක්ෂව වැඩි ප්රේක්ෂක පිරිසක් වෙත සමීප වීමේ අවස්ථාව TikTok උදා කර දී තිබෙනවා. රූපවාහිනිය තුළින ඉංග්රීසි කථා කරන ඉතා කුඩා ප්රේක්ෂක පිරිසක් වෙත සමීප වූ මා TikTok තුළින් කිසිදා සමීප විය නොහැකි විවිධ ප්රේක්ෂක ප්රජාවන් වෙත සමීප වීමට හැකි වුණා”
කුඩා කාලයේ සිටම වර්ණභේදය පිළිබඳව ප්රශ්න කළ සාෂා ඒ පිළිබඳව සිය අදහස් ඉදිරිපත් කරමින් බොහෝ දෙනාගේ දැනුමට යමක් එක් කිරීමට කටයුතු කරයි. විශේෂයෙන් තරුණියක් ලෙස රූපලාවන්ය භාවිතයෙන් තොර ස්වභාවික සමේ වර්ණය පිළිබඳ ධනාත්මක අදහස් ඉදිරිපත් කිරීමට කටයුතු කර ඇති ඇය තමන්ගේ වටිනාකම සහ සුන්දරත්වය තීරණය වන්නේ සමේ පැහැය මත නොවන බව අවධාරණය කරයි. හැකියාවන් හා සුන්දරත්වය තුළින් ජීවිතය ජය ගැනීමට ඇය මේ තුළින් දිරිමත් කරයි.
TikTok වේදිකාව තුළින් ඔසප් දරිද්රතාව වෙනුවෙන් හඬ නගන ඇය කාන්තාවන් මුහුණ දෙන වෙනත් අභියෝගයන් පිළිබඳවද සමාජය තුළ කතා බහක් ඇති කිරීමට සමත්ව ඇත්තේ කාන්තාවන්ගේ ජීවිතයට සරණක් වෙමිනි. ඔසප් සෞඛ්යය හා සනීපාරක්ෂාව පිළිබඳ දැනුවත් කිරීම, ඒ පිළිබඳව සමාජයේ දුර්මත ඉවත් කිරීම මෙන්ම ඒ සඳහා අවශ්ය සම්පත් සපයා ගැනීමේ හැකියාව ලබා දීම වෙනුවෙන් Fems වැනි සන්නාමයන් සමඟ එක්ව කටයුතු කරන සාෂා කාන්තාවන් මහ මගදී මුහුණ දෙන දුෂ්කරතාවයන් පිළිබඳවද සමාජයට මතක් කර දෙයි.
ඉන් නොනැවතුණු සාෂා තවත් බොහෝ දේ පිළිබඳව කතා කිරීමට TikTok වේදිකාව භාවිත කරනු ලබන්නේ ඒ තුළින් බොහෝ ප්රේක්ෂක පිරිසක් වෙත දැනුම ලබා දීමට හැකි හෙයිනි. එදිනෙදා ජීවිතයට අදාළ අන්තර්ගතයන් මෙන්ම රූපලාවන්ය දැනුම හා විලාසිතා පිළිබඳ අවබෝධය ලබා දීමට මෙහිදී කටයුතු කරන ඇය සංචාරක වීඩියෝ මෙන්ම ආහාර සම්බන්ධ අන්තර්ගතයන්ද බෙදා ගැනීමට කටයුතු කරන්නේ විවිධත්වයේ වේදිකාවක් නිර්මාණය කරමිනි. “මම විලාසිතාවන්ට වගේම ක්රීඩා, රූපලාවන්ය හා සංචාරවලට කැමතියි. ඒ නිසා ඒ සම්බන්ධ අන්තර්ගතයන් මගේ ප්රේක්ෂකයන් සමඟ බෙදා ගැනීමට මම කටයුතු කරනවා.” ඇය පවසයි.
“TikTok ඉක්මණින් අදහස් බෙදාහදා ගන්න පුලුවන් වේදිකාවක්. ඒ තුළින් බොහෝ දේ ප්රේක්ෂකයින් අතරට ගෙන යා හැකියි. ඒ වගේම ප්රේක්ෂකයින්ගේ ප්රතිචාරයන් මත අන්තර්ගතයන් වෙනස් කිරීමට මෙන්ම නව අන්තර්ගතයන් එක් කිරීමට එහිදී අවස්ථාව උදා වනවා. ප්රේක්ෂකයින් සමඟ සම්බන්ධ වෙමින් ඔවුන්ගේ දැනුම ඉහළ නැංවීමට අවස්ථාවක් සලසන එය වැදගත් සංවාදයන් සඳහාද අවස්ථාවක් නිර්මාණය කර දී තිබෙනවා.” TikTok පිළිබඳ සාෂා දක්වන්නේ එවන් අදහසකි.
සාෂාගේ ජනප්රිය වූ වීඩියෝ රැසකි. තමන්ට ඉංග්රීසි කථා කිරීමට නොහැකි බවට වූ ප්රතිචාරයක් වෙනුවෙන් සාෂා එක් කළ වීඩියෝව බොහෝ දෙනා අතර ජනප්රිය වූ අතර අනෙකුත් සමාජ මාධ්යයන් තුළද එය ප්රසිද්ධ විය.
එසේම තමන්ගේ පෞද්ගලික ජීවිතය පිළිබඳව වූ සම්මුඛ සාකච්ඡාවක් වෙනුවෙන්ද ඉහළ ප්රේක්ෂක ප්රතිචාර හිමිකර ගැනීමට සාෂා සමත් විය.
TikTok වෙත පිවිසෙන නිර්මාණකරුවන් වෙත තමන්ගේ නිර්මාණ වැඩි ප්රේක්ෂක පිරිසක් වෙත ගෙන යාම වෙනුවෙන් සාෂා පවසන්නේ “තමන්ගේ නිර්මාණ අව්යාජ විය යුතුයි. සත්ය හා නිවැරදි දේ තුළින් වැඩි ප්රෙක්ෂක පිරිසක් වෙත සමීප විය හැකි බැවින් ඔබ අත්විඳින දේ ඔවුන් සමඟ බෙදාහදා ගන්න” යනුවෙනි.
තමන්ගේ හදවතට දැනෙන ප්රශ්න TikTok හරහා ඉදිරිපත් කරමින් සමාජය දැනුවත් කරන සාෂා සමාජ මාධ්ය හුදෙක් විනෝදාස්වාදය සඳහා පමණක් නොව තවත් බොහෝ දේ වෙනුවෙන් යොදා ගත හැකි බව අවධාරණය කරන්නේ තමන්ගේ හඬ පෞරුෂය තුළින් සුවහසක් ප්රේක්ෂකයන්ගේ හදවතට ආමන්ත්රණය කරමිනි.
