කොළඹ වරායේ බහලුම් තදබදය අවම කිරීම සඳහා ප්රතිසංස්කරණ වහා අවශ්යයි
එ්කාබද්ධ ඇඟලුම් සංගම් සංසදය (JAAF) අවධාරණය කරයි
කොළඹ වරායේ මෙහෙයුම් කටයුතු වලදී සිදු වන ප්රමාදය විශාල කාලයක් සහ මුදල් වැය වන අතිශය බැරෑරුම් ගැටලුවක් මතු කර ඇත. ශ්රී ලංකාවේ ඇඟලුම් කර්මාන්තය සඳහා කාලය යනු මුදල් පමණක් නොව ගැණුම් කරුවන්ට නිසි වේලාවට අවශ්ය ඇඟලුම් තොගය යෑවීම පිලිබඳව වන අප විසින් රැක ගත් විශ්වාසය ද අනතුරට ලක් කරයි. ඒහෙත් කොළඹ වරායේ මෙහෙයුම් කටයුතු වල පවතින ප්රමාදය නිසා නෞකා කොලඹ වරාය මග හැරයෑම පිලිබඳව පවතින වාර්තා සලකා බැලීමේදී ගෝලීය තරගකාරීත්වය මත දැඩිව රඳා පවතින මෙරට අපනයනකරුවන්ගේ අවධානය මෙම කරුණ පිලිබඳව දැඩි ව යොමු ව පවතී.
පසුගිය මාස කිහිපය තුල ඇතැම් නැව් සමාගම් කොළඹ වරායට සේන්දුවීමට ඇතැම් විට දිනකට හෝ දින දෙකකට පෙර කොළඹ වරාය මගහැර යෑමට දැන් දැන් කටයුතු කරමින් සිටී. විශේෂයෙන්ම මෙවැනි නෞකා වැඩි වශයෙන් නැගෙනහිර ආසියාවේ සිට පැමිණෙන කර්මාන්ත සඳහා අවශ්ය අමුද්රව්ය රැගත් බහලුම් නෞකා වීම ප්රශණයෙහි බරපතල බව තවත් වැඩි කරයි. මේ තත්වය ඇඟලුම් කර්මාන්තය සඳහා අවශ්ය රෙදි පිලි, බොත්තම් සහ අනෙකුත් උපාංග සහිත නෞකාවකට අත් වුවහොත් සහ ඒබඳු නෞකාවක් කොළඹට සේන්දු නොවී වෙනත් වරායක ගොඩබෑම හෝ කොළඹට සේන්දු වීම ප්රමාද වුවහොත් සිදු විය හැක්කේ කුමක්ද ? ඇඟලුම් නිෂ්පාදකයින් කාර්ය බහුල කාලසටහනකට අනුව කටයුතු කරන බැවින් ඇති විය හැකි සුලු ප්රමාදයකින් හෝ සමස්ත නිෂ්පාදනය නිසි කලට ගැනුම්කරු අතට පත් කිරීමට නොහැකි වනු ඇත. ඒසේ නොමැති නම් ගැණුම්කරු සමග ඒකඟතාවකට පැමිණෙමින් අති විශාල මිලක් ගෙවා ගුවනින් ඒම භාණ්ඩ තොගය යෑවීමට සිදු වනු ඇත.
ගැටලුව වර්ධනය වීම
ශ්රී ලංකාවේ අපනයන හදවත කොළඹ වරායයි. ඒහෙත් කොළඹ වරාය විසින් කලාපයේ වරායන් අතර අත් කර ගෙන සිටි විශ්වසනීයත්වය මේ වන විට දිනෙන් දින පලුදු වෙමින් තිබේ. ප්රධාන පෙළේ නැව් සමාගම් කොළඹ වරාය මගහැර යන තත්වයක් තුල මේ තත්වයට තිත තබන්නට කොළඹ වරාය කටයුතු කර ඇති ද යන්න මෙහිදී පැන නගින ප්රධාන ගැටලුවයි. බහලුම් පර්යන්ත වලින් බහලුම් නැව් ගත කිරීමට සහ නැව්වලින් ගොඩබෑම සඳහා පවතින ප්රමාදය, යල්පැන ගිය සාම්ප්රදායික නිශ්කාෂණ ක්රම භාවිතය සහ වරාය සහ ආශ්රිත ආයතනයන්ගේ පවතින අකාර්යක්ෂමතාව යන හේතුන් සියල්ලම මෙම ගැටලුව ජාතික ප්රශනයක් කරා ගෙන ගොස් ඇත.
මෙම ගැටලුව සැපයුම් දාමයේ සෑම තත්වයකට දැඩි බලපෑමක් ඒල්ල කරයි. ඇඟලුම් සඳහා අවශ්ය අමුද්රව්ය රැගත් නැව් භාණ්ඩ ප්රමාද වන විට කර්මාන්තශාලාවන් හි නිෂ්පාදන කාලසීමව දීර් ඝ වන අතර ගිවිසුම් ප්රකාර දඬුවම් ගාස්තු පැනවීම, සහ ගැනුම්කරුවන්ගේ නොසතුතට මෙම කරුණු හේතු වනු ඇත. සුලු හා මධ්ය පරිමාණයේ ඇඟලුම් අපනයනකරුවන් කුඩා ලාභ තීරු මත දැඩි අවිවේකීත්වයක් තුල කටයුතු කරන පසුබිමක ඒක් නැව්ගත කිරීමක් නිසි වේලාවට අපනයනය කර ගැනීමට නොහැකි වූවහොත් ඔවුන්ගේ සති ගණනක ඉපැයීම් ඔවුනට අහිමි ව යා හැකිව තිබෙන්නේ ගුවන් භාණ්ඩ ප්රවාහන ක්රමයට නිසි වේලාවට ගැණුම්කරුවට භාණ්ඩ තොගය යෑමට කටයුතු කරන බැවිනි.
ඒමෙන්ම අපි රටක් ලෙස කලාපයේ සෙසු රටවලට සාපේක්ෂව අකාර්යක්ෂම බැවින් ඒම රටවල් අප පසුකර ඉදිරියට යෑමට සමත් ව සිටී. ඉන්දියාවේ නව විස්හින්ජම් වරාය, සිංගප්පුරුව සහ ඩුබායි යන වරායන් ඩිජිටල් තාක්ෂණය සමග මුසුවෙමින් වරාය ආශ්රිත සේවාවන් ප්රමාදයකින් තොරව ලබා දීමට කටයුතු කර ඇත. මෙහි ප්රතිඵලයක් ලෙස නැව්භාණ්ඩ ප්රතිනැව්ගත කිරීමේ කටුයුතු කොළඹ වරාය මග හැර සිදු කිරීමේ ප්රවණතාවක් පවතී. කොළඹ වරාය විසින් කලාපයේ බහලුම්වලින් මිලියන 7.7ක් මෙම වර්ෂය තුල මෙහෙයවා ඇත. නමුත් මෙහෙයුම් පමාව, සහ අනෙකුත් බාධක මගින් කොළඹ වරාය තවදුරටත් ආකර්ෂණීය ගමනාන්තයක් බවට පත් වී නොමැත. මේ වන විටත් අපනයනකරුවන් විසින් අමතර පිරිවැයක් දැරීමත්, ප්රමාදය සහ අදාල රාජ්ය ආයතන විසින් ආනයනික අමුද්රව්යයන් සඳහා ජාත්යන්තරව ලබා දෙන සහතික තිබියදී යලි පරීක්ෂාවට ලක් කිරීම මෙම ප්රමාදයන්ට දැඩි බලපෑමක් ඒල්ල කර ඇත.
වරාය පුලුල් කිරීමට පෙර ප්රතිසංස්කරණ
වරාය ගැඹුරු කිරීම සහ වැඩි නෞකාවන් ප්රමානයක් නැංගුරම්ලෑමට හැකිව මගින් පමණක් මේ ගැටලුවට විසඳුමක් නොලැබේ. අන්තර් පර් යන්ත හුවමාරුව ( ITT) සහ නාවික ජැටිවල පවතින ධාරිතා ගැටලු සඳහා පිලියම් ලබා දිය යුතුව ඇත. ශ්රී ලංකාවට දැන් අවශ්යව ඇත්තේ වේගවත් , විනිවිද පෙනෙන වරාය ක්රමයකි. ඒකාබද්ධ ඇඟලුම් සංගම් සංසදය විසින් වරාය මෙහෙයුම් වඩාත් සුමට කිරීම සහ ඩිජිටල් තාක්ෂණය භාවිතා කරමින් බහලුම් නිෂ්කාශනය වේගත් කිරීම සහ පර්යන්තයන් අතර බහලුම් හුවමාරුව කාර්යක්ෂම කිරීම සඳහා අවධානය යොමු කරන මෙන් රජයෙන් සහ ශ්රී ලංකා වරාය අධිකාරියෙන් දැඩි ව ඉල්ලා සිටී. කොළඹ වරාය නෞකා මෙහෙයුම්කරුවන් අතර ජනප්රිය ස්ථානයක් බවට පත් කර යුතුව ඇත. ප්රායෝගික , කාර්යක්ෂම ප්රතිසංස්කරණ මගින් කොළඹ වරාය පෙර අත්කර ගෙන සිටි විශ්සවසනීය බව යලි අත්පත් කර ගනිමින් කලාපයේ ශක්තිමත් වෙළෙඳ හුවමාරු කේන්ද්රයක් බවට ගොඩබැංවිය හැක.
