සැම්සුන්, Galaxy පරිශීලකයින් වෙනුවෙන් නව ආරක්ෂිත විශේෂාංගයක් හඳුන්වා දෙයි
දිනෙන් දින දියුණුවන ඩිජිටල් ලෝකය තුළ සිය පරිශීලකයින්ගේ ආරක්ෂාව ඉහළ නැංවීම වෙනුවෙන් සැම්සුන්, Galaxy උපාංග සඳහා නව ආරක්ෂිත විශේෂාංගයක් හඳුන්වා දීමට කටයුතු කර ඇත. ස්මාර්ට් ජංගම දුරකතනය අද වන විට සෑම පුද්ගලයකුගේම එදිනෙදා ජීවිතයේ අනිවාර්ය අංගයක් බවට පත්ව ඇති නිසාම පොදු ප්රවාහනයේදී, කාර්යාලයේදී මෙන්ම විවිධ ජනාකීර්ණ ස්ථානයන්හිදී එය භාවිත කිරීමට සිදුව තිබේ. එහිදී සිය ස්මාර්ට් ජංගම දුරකතන තිරය වෙනත් කෙනෙකුට නැරඹීමේ හැකියාව ඇති බැවින් එය තමන්ගේ පුද්ගලිකත්වයට ඍජුවම බලපානු ලබයි. මීට කදිම විසඳුමක් ලෙස වෙනත් පුද්ගලයින්ට ජංගම දුරකතන තිරය දැක ගැනීමට නොහැකි වන ආකාරයේ නවතම ආරක්ෂිත විශේෂාංගය හඳුන්වා දීමට සැම්සුන් කටයුතු කර ඇති අතර මේ හේතුවෙන් පරිශීලකයින්ට කිසිඳු බයකින් තොරව ඕනෑම ස්ථානයකදී තමන්ගේ ස්මාර්ට් ජංගම දුරකතනය රිසි සේ භාවිත කිරීමට හැකියාව උදා වනු ඇත.
එදිනෙදා ජීවිතයේදී භාවිත කිරීමේ පහසුව වෙනුවෙන් පුද්ගලික පණිවිඩ, රහස්ය අංක, රහස් කේත, මූල්ය විස්තර මෙන්ම වෙනත් පුද්ගලික දත්ත වැනි බොහෝ දේ තමන්ගේ ස්මාර්ට් ජංගම දුරකතනයේ තබා ගැනීමට බොහෝ දෙනා කටයුතු කරති. ඒ නිසාම ජංගම දුරකතනය අතිශය පෞද්ගලික හා සංවේදී උපාංගයක් බවට නිරායාසයෙන්ම පත්වන අතරම එහි සුරක්ෂිතතාව පිළිබඳ වැඩි අවධානයක් යොමු කිරීමට සිදු වේ. පණිවිඩවලට ප්රතිචාර දැක්වීමේදී, ඇමතුම් ලබා ගැන්ීමේදී, සමාජ මාධ්යයේ සැරිසරන විටදී තම ජංගම දුරකතනය තවත් අයෙකු නැරඹීම වළක්වා ගැනීමට මෙහිදී අවධානය යොමු කළ යුතු වුවද මෙම නවතම ආරක්ෂිත විශේෂාංගය තුලින් ඒ සියලු කරදරවලින් නිදහස්ව රිසි සේ තමන්ගේ ජංගම දුරකතනය භාවිත කිරීමේ හැකියාව පරිශීලකයින්ට හිමි වේ.
මෙම නවතම විශේෂාංගය වඩාත් නම්යශීලී විසඳුම් ලබා දෙමින් පරිශීලක අවශ්යතාව මනාව ඉටු කිරීමට සමත්ව ඇත්තේ ජංගම දුරකතනය භාවිත කරන පුද්ගලයා, පරිසරය හා නරඹනු ලබන අන්තර්ගතය අනුව ආරක්ෂාව සහතික කරමිනි. තමන්ට අවශ්ය පරිදි මෙම ආරක්ෂිත විශේෂාංගය ක්රියාත්මක වන ආකාරය වෙනස් කිරීමේ හැකියාව පරිශීලකයින්ට උදා වන අතර පුද්ගලිකත්වය ආරක්ෂා කළ යුත්තේ කුමන ස්ථානයේදීද, කුමන වේලාවකද යන්න තෝරා ගැනීම තුලින් පහසුවෙන් තමන්ගේ පුද්ගලික දත්ත ආරක්ෂා කර ගැනීමට ඔවුන්ට හැකි වේ.
මේ යටතේ ජනතාව ගැවසෙන ස්ථානයන්හිදී තමනගේ පුද්ගලික තොරතුරු අන් අයට දැක ගත හැකි ආකාරයේ තිරයේ ඇති සියලු තෝරාගත් කොටස්හි ආරක්ෂාව තහවුරු කිරීමට පරිශීලකයින්ට හැකි වේ. මෙහි විශේෂත්වය වන්නේ ස්මාර්ට් දුරකතනයේ සියලු විශේෂාංග ආරක්ෂා කර ගැනීමකින් තොරව තමන්ට අවශ්ය විශේෂාංග පමණක් ආරක්ෂා කර ගැනීමට අවකාශ උදා වීමයි. ඒ සඳහා සම්පූර්ණයෙන් ඉවත් කළ හැකි හෝ අක්රිය කළ හැකි අවස්ථාවක් පරිශීලකයින් වෙත මෙහිදී උදා කර දී ඇති අතර මේ හරහා කිසිඳු කරදරයකින් තොරව නිදහසේ තමන්ගේ ස්මාර්ට් ජංගම දුරකතනය භාවිත කිරීමට හැකි වනු ඇත.
සැම්සුන්හි වසර 5කට වැඩි විශිෂ්ට පර්යේෂණයන්හි ප්රතිඵලයක් ලෙස පෙන්වා දිය හැකි මෙම සුවිශේෂී ආරක්ෂක විශේෂාංගය කරදරයකින් තොරව තමන්ගේ පුද්ගලිකත්වය ආරක්ෂා කර ගනිමින් එදිනෙදා වැඩකටයුතු කර ගැනීමේ අවස්ථාව පරිශීලකයින් වෙත උදා කර දීමට සමත් වනු ඇත. පරිශීලකයින්ට පෞද්ගලිකත්වය ආරක්ෂා කර ගැනීමේ හා තමන්ගේ දත්ත ආරක්ෂා කර ගැනීමේ අවශ්යතාව මනාව අවබෝධ කරගත් සැම්සුන් උසස් තාක්ෂණය සමඟින් මෙම සුවිශේෂී මෘදුකාංගය සිය සැම්සුන් Galaxy පරිශීලකයින් වෙනුවෙන් නව ආරක්ෂිත විශේෂාංගයක් හඳුන්වා දෙයි උපාංග සඳහා හඳුන්වා දීමට කටයුතු කරනු ලැබීය.
ස්මාර්ට් ජංගම දුරකතනයන්හි ආරක්ෂාව හා පරිශීලක දත්ත ආරක්ෂාව සම්බන්ධයෙන් සැම්සුන්හි දිගුකාලීන විශිෂ්ටත්වය නැවත නැවතත් තහවුරු කිරීමට මෙම සුවිශේෂී විශේෂාංගය සමත්ව සිටියි. Samsung Knox, Knox Vault වැනි ආරක්ෂණ දෘඪාංගයන් හඳුන්වා දීමට කටයුතු කළ සැම්සුන් Knox Matrix ඇතුලු විශේෂාංගයන් තුලින් පරිශීලක දත්තයන්හි ආරක්ෂාව තහවුරු කිරීමට කටයුතු කර ඇත.
සැබෑ ආරක්ෂාවක් තුලින් පරිශීලකයින්ගේ පෞද්ගලිකත්වය සුරැකිීමට හැකි වන බව නිරන්තරයෙන් විශ්වාස කරන සැම්සුන් මෙම නවතම විශේෂාංගය තුලින් පරිශීලක ආරක්ෂාව සම්බන්ධයෙන් සිය කැපවීම මනාව ප්රදර්ශනය කිරීමට සමත්ව සිටියි. ඒ සමඟින් ඕනෑම ස්ථානයකදී බියකින්, සැකයකින් තොරව තමන්ගේ ජංගම දුරකතනය භාවිත කිරීමේ හැකියාව සැම්සුන් පරිශීලකයින් වෙත උදා කර දෙයි.
මේ හරහා හෙට දවසේ සියලු Galaxy උපාංගයන්හි ආරක්ෂාව සහතික කිරීමට සැම්සුන් සමත්වනු ඇත්තේ සිය පරිශීලකයින්ට අසමසම අත්දැකීමක් හිමිකර දෙමිනි.
