TikTok හි විශ්මය මවන එරික් සහ මනී
එරික් සහ මනීගේ ආදර කතාව
ටෙක්සාස්හි පදිංචි එරික්ට ශ්රී ලංකාවේ මනි මුණ ගැසීම චිත්රපටයක දර්ශනයක් මෙන් විය. කොළඹ නගරයට පළමු අහඹු හමුවීම තුළින් ඔවුන්ගේ පෞද්ගලික ජීවිතය වෙනස් කරමින් ලොව පුරා ප්රේක්ෂක ආකර්ෂණය දිනාගත හැකි TikTok නිර්මාණයන් බිහිවනු ඇතැයි ඔවුන් බලාපොරොත්තු නොවීය.
2020 වසරේදී සාමාන්ය වීඩියෝවක් තුලින් ආරම්භ කළ TikTok ගමන COVID-19 වසංගත සමයේ පැනවූ රට වසා දැමීමේ තත්වයත් සමඟ නිර්මාණ අන්තර්ගතයක් බවට පරිවර්තනය වූයේ එරික්ගේ මිතුරකුගේ දිරි ගැන්වීම නිසාය. මුලින් ඔවුන් වීඩියෝ නිර්මාණය කිරීමට උනන්දුවක් නොදැක්වුවද වසංගත සමයේ මිනිසුන් නිවසට සීමා වීම නිසා TikTok වීඩියෝ සකස් කිරීමට කටයුතු කළේය. එහි ප්රතිඵලයක් වූයේ එසේ නිකුත් කළ පළමු වීඩියෝව 10,000ක පිරිසක් නරඹා තිබීමයි. එය ඔවුන්ට සුවිසල් දිරි ගැන්වීමක් විය. ඒ නිසාම ඔවුන් හාස්යය, රසායන විද්යාව හා ලෝකය සමඟ ඔවුන්ගේ සබඳතාව වීඩියෝ හරහා ප්රේක්ෂකයින් සමඟ බෙදාහදා ගැනීමට උනන්දු විය.
නිර්මාණශීලීත්වය හා සබඳතා සඳහා අවස්ථාවක්
එරික් සහ මනිගේ නිර්මාණයන් ඉක්මණින් ජනප්රිය වූ අතර ඔවුන්ගේ ආදරය, ජීවිතය හා සබඳතා පිළිබඳ සාපේක්ෂ හා හාස්යජනක නිර්මාණ ප්රේක්ෂකයෝ මහත් ඉහළින් පිළිගත්හ. TikTok හි ඔවුන්ගේ වීඩියෝ තුළින් බොලිවුඩ් චිත්රපටවල ඇති ආදර හා විනෝදජනක හාස්යයෝත්පාදකයන් සමඟ රසිකයින් සිදු කරන සංසන්දනයන් ඇතුළත් විය. “අපගේ අන්තර්ගතයන්වල බොහොමයක් ‘කොල්ලෙක් කෙල්ලෙක් මුණ ගැසී ආදරය කිරීම’ යන සංකල්පය මත නිර්මාණය වී තිබෙනවා. අපගේ වීඩියෝවලින් 70%ක් පමණ බෙදාගෙන ඇත්තේ එම නිර්මාණයි” යනුවෙන් එරික් පවසයි.
එරික් හා මනිගේ අන්තර්ගතයන් හාස්යජනක නිර්මාණයවලින් ඔබ්බට යාමද විශේෂත්යකි. මනි පවසන්නේ TikTok යනු ජනප්රිය වීඩියෝ නිර්මාණය කිරීම හෝ ප්රවණතාවන් අනුගමනය කිරීමක් නොවන බවයි. “අපි අන්තර්ගතයන් නිර්මාණය කරන්නේ ඒවා අපගේ අදහස්වලින් සිදු වන නිසයි. අපගේ සතුට සහ අදහස් බෙදා ගැනීමේ අවස්ථාවක් ලෙස අපි එය සලකනවා” ඒ මනිගේ අදහසයි.
TikTok සංස්කෘතියේ පාලමක් ලෙස
එරික් සහ මනි පවසන පරිදි TikTok හි ඇති ලස්සනම දෙය නම් එය සංස්කෘතික, වාර්ගික හා වාර්ගිකත්වයට හේතුවන බාධක ජය ගැනීමට හැකිවීමයි. TikTok හට මිනිසුන් ආකර්ෂණය කර ගැනීමේ සුවිසල් හැකියාවක් ඇති අතර මෙම යුවල විසින් ඉන්දියාව, ඔස්ටේ්රලියාව හා බංග්ලාදේශය වැනි රටවල ප්රේක්ෂකයින්ටද තම නිර්මාණ රස විඳීමේ අවස්ථාව උදා කර දී ඇත.
විශේෂයෙන් ගෝලීය ප්රවණතාවන් දේශීයකරණයට ලක් කිරීම තුළින් ප්රේක්ෂක ආකර්ෂණය ඉහළ නංවා ගැනීමට සමත් වූ ඔවුන් TikTok හි සීමා රහිත බව මනාව ප්රයෝජනයට ගනිමින් සිය නිර්මාණ අන්තර්ගතයන් බෙදාහදා ගැනීමට කටයුතු කරන ලදී.
එසේම සිය නිර්මාණයන් වෙත ජන වර්ගය, ආගම හෝ ජීවත් වන ප්රදේශය නොසලකා සෑම කෙනෙකුටම සම්බන්ධ වීමේ අවස්ථාව උදා කර දී ඇති එරික් සහ මනි එම ප්රේක්ෂකයින් වෙනුවෙන් අන්තර්ගතයන් ඉදිරිපත් කරයි. පුද්ගලයින්ට එකට එකතු වී සිනාසීමට, අදහස් හා නිර්මාණ බෙදා හදා ගැනීමට අවකාශයක් නිර්මාණය කරයි.
විනෝදයේ සිට බලපෑම දක්වා TikTok හි නිර්මාණශීලීත්වය
නිරන්තරයෙන් විනෝදාස්වාදය වෙනුවෙන් අන්තර්ගතයන් නිර්මාණය කරන එරික් සහ මනි TikTok සිය වෘත්තීය සංවර්ධනයේ සාධකයක් බවට පත් කර ගෙන ඇත. වෙළෙඳනාම සමඟ සහයෝගයෙන් කටයුතු කරමින් ඔවුන්ගේ නිර්මාණාත්මක වීඩියෝ තව දුරටත් පුළුල් කර ඇති අතර සෑම තැනකම දක්ෂ නිර්මාණකරුවන් සමඟ එක්ව වැඩ කිරීමටද කටයුතු කර ඇත.
වෙළෙඳ නාම සමඟ කටයුතු කිරීමේදීද ඔවුන්ගේ නිර්මාණාත්මක මූලයන් ඒ අයුරින්ම පවත්වා ගැනීමට කටයුතු කර ඇති එරික් සහ මනි වෙළෙඳ නාම සමඟ එක්ව ප්රතිලාභ ලබා ගැනීමටද සමත්ව සිටියි.
එරික් සහ මනි නිර්මාණයන්ට ඊළඟට කුමක් සිදුවේද?
සිය අනාගතය ගැන සතුටුවන එරික් සහ මනි තවත් සංගීත නිර්මාණකරුවන් සහ දක්ෂයින් සමඟ සහයෝගයෙන් සහයෝගයෙන් කටයුතු කිරීමට සැලසුම් කොට ඇත. “අපි දෙමළ සංගීත අනුවර්තනයන් කිහිපයක් හා මුල් ගීතයක් මත වැඩ කරමින් සිටිනවා” සීමා මායිම්වලින් තොරව ඉදිරියට යාමට සහ කැමති දේ කිරීමට අපට අවශ්යයි” එරික් පවසයි.
TikTok හි දියුණුව වෙනුවෙන් කැපවන ඔවුන් ඒ වෙනුවෙන් වැඩි වැඩියෙන් නිර්මාණය කිරීමට කටයුතු කර ඇත්තේ හැකියාවන් හා නිර්මාණශීලීත්වය වර්ධනය කර ගනිමිනි. තමන් කරන සියලුම නිර්මාණයන්හිදී නව මාවත් ගවේෂණය කිරීම ඔවුන්ගේ අරමුණයි.
නිර්මාණකරුවන්ට උපදෙස්
නව නිර්මාණකරුවන්ට එරික් පෙන්වා දෙන්නේ TikTok යනු ස්වයං ගවේෂණ මාර්ගයක් බවයි. ‘අලුත් දේවල් කිරීමට බිය නොවන්න. ඔබේ නිර්මාණශීලීත්වය ගවේෂණය කරන්න, විනෝද වන්න, ඔබ ඔබම වන්න” ඒ එරික්ගේ උපදේශයයි. TikTok හි නව ප්රවණතාවන් හඹා යාමට හෝ ප්රේක්ෂකයින් දිනා ගැනීමට අවස්ථාවක් පමණක් නොව තමන්ගේ හැකියාවන් තුළින් සම්බන්ධතා ගොඩනගා ගැනීමට හා කැමති දෙයක් නිර්මාණය කිරීමට ඉඩකඩ ලබා දෙන TikTok භාවිත කිරීමට නව නිර්මාණකරුවන් දිරිමත් කිරීමටද ඔවුන් කටයුතු කරයි.
