BYD හි නවතම ප්රදර්ශනාගාරයක් සහ සේවා මධ්යස්ථානයක් ගාලු පුරවරයට
ආරාධනා සමූහ ව්යාපාරය සමඟ ඇති උපායමාර්ගික හවුල්කාරිත්වය BYD රට පුරා ව්යාප්ත කිරීමේ ප්රයත්නයේ නව පියවරක් සනිටුහන් කරයි
ලොව ප්රමුඛතම නව බලශක්ති වාහන (NEVs) නිෂ්පාදකයා වන BYD සහ එහි ශ්රී ලංකාවේ බලයලත් බෙදා හරින ආයතනය වන John Keells CG Auto එක්ව ඔවුන්ගේ මගී වාහන මෙරට දකුණු කලාපයේ ව්යාප්ත කිරීම සඳහා ආරාධනා සමූහ ව්යාපාරය සමඟින් පසුගියදා අත්වැල් බැඳගත්තේය.
මෙම හවුල්කාරීත්වය හරහා BYD සහ JKCG Auto විසින් BYD හි පළමු ඒකාබද්ධ ප්රදර්ශනාගාරය, සේවා මධ්යස්ථානය සහ අමතර කොටස් පහසුකම (3S පහසුකම) ගාල්ලේ, දක්ෂිණ අධිවේගී පිවිසුම අසල ස්ථාපිත කිරීමට අරමුණු කරයි.
මේ පිළිබඳව අදහස් දක්වමින් JKCG Auto සාමාන්යාධිකාරී චරිත් පණ්ඩිතරත්න මහතා පැවසුවේ “මෙම හවුල්කාරිත්වය තුළින් ගාල්ලේ අති නවීන BYD 3S ප්රදර්ශනාගාරයක් ස්ථාපිත කිරීමට මග සකස් කරනවා. 2025 මුල් භාගයේදී විවෘත කෙරෙන මෙම පහසුකම සමඟින් ශ්රී ලංකාව පුරා NEV මගී වාහන භාවිත කිරීමට දිරිමත් කිරීමේ අපගේ අඛණ්ඩ ඉලක්කයේ වැදගත් සන්ධිස්ථානයක් සනිටුහන් කිරීමට අපට හැකි වනු ඇති බව විශ්වාසයි.
සංචාරක හා ආගන්තුක සත්කාර සඳහා ප්රධාන ගමනාන්තයක් වන ගාල්ල, BYD හි පරිසර හිතකාමී වාහන භාවිත කිරීමට ව්යාපාරික සහ සාමාන්ය පාරිභෝගික ජනතාවට හොඳ අවස්ථා ලබා දෙනවා. ඒ වගේම තිරසාර ගමනාගමනය වෙත ගමන් කිරීම මගින් දිවයින පුරා සිටින ජනතාවට සුවිශේෂී ආර්ථික හා පාරිසරික ප්රතිලාභ ද නිර්මාණය කරනු ඇතියි,” යනුවෙනි.
BYD හි අනුමැතිය සඳහා සුදුසුකම්ලත් මෙන්ම නිශ්චිත පුහුණුවක් ලබා ඇති පළපුරුදු වෘත්තිකයින්ගෙන් සහ අතිනවීන තාක්ෂණයෙන් මෙම නවතම 3S පහසුකම සමන්විත වෙයි. තවද මෙමගින් ශ්රී ලංකාවේ සුන්දර දකුණු වෙරළ තීරයේ සංචාරය කරන හෝ පදිංචිව සිටින පාරිභෝගිකයින්ට උසස් තත්වයේ සේවාවක් ලබා දෙනු ඇත.
‘’BYD මගී වාහන රට පුරා ව්යාප්ත වන විට, අපි අපගේ පරිසර හිතකාමී වාහන සමඟ වැඩ කිරීමට නව කාර්මික ශිල්පීන් සහ කාර්මිකයන් පුහුණු කරනවා. පරිසර හිතකාමී ප්රවාහන විකල්ප භාවිතය වර්ධනය වන විට මෙම පුහුණුව ඔවුන්ට ස්ථාවර, හොඳ වැටුප් සහිත රැකියාවන් ලබා ගැනීමට උපකාරී වනවා. අපගේ කොළඹ පිහිටි සේවා මධ්යස්ථානය වගේම John Keells CG Auto වෙතින් මිලදී ගන්නා මෝටර් රථවලට සේවා සැපයීම සඳහා අති නවීන පහසුකම්වලින් මෙම සේවා ස්ථානය සමන්විතයි.” යනුවෙන් පණ්ඩිතරත්න මහතා සඳහන් කළේය.
ඔහු වැඩිදුරටත් සඳහන් කළේ “අපගේ නවතම NEV තාක්ෂණය ශ්රී ලංකාවේ දකුණු කලාපයට රැගෙන ඒම සඳහා ආරාධනා සමූහය සමඟ අත්වැල් බැඳගැනීමට ලැබීම ගැන අපට ඉතා සතුටුයි. ඉදිරියේදී තිරසාර ගමනාගමනය සඳහා රට තුළ සැලකිය යුතු වෙනසක් ඇති කිරීමට අප සහාය වන අතරම විශිෂ්ට සේවාවක් ලබා දීමට ද අපි කැපවී කටයුතු කරනවා.” යනුවෙනි.
තවද මේ හරහා පාරිභෝගිකයින්ට BYD හි නව විදුලි වාහන (EVs) පරාසය සඳහා අලෙවියෙන් පසු විශිෂ්ට සේවා සහ නියම අමතර කොටස් සියල්ල එකම වහලක් යටින් පහසුවෙන් ලබා ගත හැකිය. මීට අමතරව මෙම නව ප්රදර්ශනාගාරයේ BYD DOLPHIN, BYD ATTO 3, BYD SEAL සහ BYD SEALION 6 යන මාදිලි ඇතුළුව BYD හි නවතම විදුලි සහ plug-in hybrid මෝටර් රථවලින් ද සමන්විත වනු ඇත.
ආරාධනා සමූහ ව්යාපාරයේ ප්රධාන විධායක නිළධාරී ළහිරු මුණසිංහ මහතා අදහස් දක්වමින් පැවසුවේ “BYD සහ JKCG Auto ගාල්ල කලාපයේ අලෙවි නියෝජිතයා ලෙස තෝරා ගැනීම පිළිබඳව අපි කෘතඥ වෙනවා. අප එක්ව මෙහි ජනතාවට BYD මගී වාහනවල සුවිශේෂී වටිනාකම පිළිබඳව දැනුවත් කිරීම අපගේ අරමුණයි.” යනුවෙනි.
ඡායාරූපය
JKCG Auto සාමාන්යාධිකාරී චරිත් පණ්ඩිතරත්න සහ John Keells සමූහයේ සභාපති – සිල්ලර වෙළෙඳ අංශය, චරිත සුබසිංහ යන මහත්වරුන් විසින් ආරාධනා සමූහ ව්යාපාරයේ ප්රධාන විධායක නිළධාරී ළහිරු මුණසිංහ මහතා සහ අධ්යක්ෂිකා සඳුනි මුණසිංහ මහත්මිය සමඟින් අදාල අවබෝධතා ගිවිසුම හුවමාරු කරගනිමින්
