කොටගල වැවිලි සමාගමේ නවතම සන්ධිස්ථානයක් සනිටුහන් කරමින්
Rosita Tea House උත්සවාකාරයෙන් විවෘත කරයි
කොටගල වැවිලි සමාගම විසින් සිය පළමු තේ මධ්යස්ථානය ලෙස Rosita Tea House විවෘත කළ බව පසුගියදා නිවේදනය කළේය. අලංකාර දර්ශනයක් විදහා දක්වන St. Clair’s දිය ඇල්ලට ඉහළින් පිහිටුවා ඇති මෙම Rosita Tea House වෙතින් දිඹුල තේ වතු යායේ රසවත් සාරය ලොවට බෙදා දීමට නියමිතය.
මෙම ව්යාපෘතිය සාර්ථක කර ගැනීම සඳහා තම කණ්ඩායම් විසින් ලබා දුන් නොමඳ සහයෝගය පිළිබඳව කෘතඥතාව පළ කළ Lankem වැවිලි සමාගමේ කළමනාකාර අධ්යක්ෂ සුනිල් පොහොලියද්ද මහතා තවදුරටත් ප්රකාශ කර සිටියේ “Lankem වැවිලි සමාගමට අයත් තවත් සුවිශේෂී සන්ධිස්ථානයක් වන මෙම තේ මධ්යස්ථානය ශ්රී ලාංකේය තේ සන්නාමය, අතීත උරුමය ආරක්ෂා කිරීමට මෙන්ම දිඹුල කලාපයේ ස්වාභාවික තේ රසය ලෝ වැසියන් වෙත ලබා දීම සඳහා වන අපගේ කැපවීමේ එක් පියවරක් ලෙස සඳහන් කළ හැකියි.” යනුවෙනි.
මෙම මධ්යස්ථානය විවෘත කිරීමේ අවස්ථාවට සමගාමීව කොටගල වැවිලි සමාගමේ ප්රධාන විධායක නිලධාරී චන්න ද කොස්තා මහතා විශේෂ ඇගයීමකට ලක් වූයේ මෙම මධ්යස්ථානයේ සංකල්පය, එය ආරම්භයේ සිට අවසානය තෙක් සිදු කළ මගපෙන්වීම සහ කාර්යභාරය අගය කරමිනි. කොටගල වැවිලි සමාගමේ සහෝදර සමාගම වන අගරපතන වැවිලි සමාගමෙහි අධ්යක්ෂ/ප්රධාන විධායක නිලධාරී Denham Madena සහ මෙහෙයුම් අධ්යක්ෂ රොහාන් වීරකෝන් යන මහත්වරුද මේ සඳහා සහභාගී විය.
මෙහිදී අදහස් දැක්වූ කොටගල වැවිලි සමාගමේ ප්රධාන විධායක නිලධාරී චන්න ද කොස්තා මහතා “කොටගල සතු අභිමානවත් තේ උරුමය ලොවට රැගෙන යන තානාපතිවරයෙක් ලෙස හඳුන්වා දිය හැකි Rosita Tea House ජනතාවට සතුට ගෙන එන ස්ථානයක් බවට පත් කිරීමට කටයුතු කර තිබෙනවා. අපගේ කලාපයේ නියම රසයන් අත්විඳීම වෙනුවෙන් සියලු දෙනාට ආරාධනා කර සිටින අප ශ්රී ලංකාවේ හොඳම තේ ගෝලීය වෙළෙඳපොල වෙත ගෙන ඒම සඳහා වන අපගේ උරුමය අඛණ්ඩව පවත්වාගෙන යාමට කටයුතු කරනවා” යනුවෙන් පැවසීය.
තේ මධ්යස්ථානය පිහිටුවීමේ අරමුණු සාක්ෂාත් කර ගැනීම උදෙසා කොටගල වැවිලි සමාගමේ කළමනාකරුවන් හා සහකාර කළමනාකරුවන් විසින් සිදු කරන කැපවීම හා ඔවුන්ගේ උත්සාහයද මෙහිදී ඇගයීමට ලක් විය. ඔවුන්ගේ මෙම කැපවීම කලාපයේ තේවල ගුණාත්මකභාවය හා සම්ප්රදාය පවත්වා ගැනීම සඳහාද ඉවහල් වේ.
ශ්රී ලංකා තේ මණ්ඩලය නියෝජනය කරමින් නිලධාරීන් පිරිසක් ද මෙම අවස්ථාවට එක්ව සිටියේ තේ කර්මාන්තය තුළ පවතින ශක්තිමත් සබඳතා හා ඒ ආකාරයේ වැඩසටහන් සඳහා සිය සහයෝගය ලබා දෙන බව සහතික කරමිනි. තවද ප්රාදේශීය සෞඛ්ය නිලධාරීන්, ප්රජා නායකයින් සහ විවිධ සංවිධාන නියෝජිතයින් රැසක්ද මෙම අවස්ථාවට එක්ව සිටි අතර එමගින් මෙම ක්ෂේත්රය වෙත ඔවුන්ගේ ඇති සබැඳියාව තවදුරටත් පිළිබිඹු කරයි.
තවද නව ආයතනයක් ආරම්භ කිරීමක් පමණක් නොවන මෙම තේ මධ්යස්ථානය විවෘත කිරීම කොටගල වතු යායේ විශිෂ්ටත්වය ලොවට ගෙන යාමේ කැපවීමද පිළිබිඹු කරන්නකි. එහි කාර්ය මණ්ඩලය තේ ආශ්රිත නිෂ්පාදනයන්හි ගුණාත්මකභාවය හා සම්ප්රදායේ අභිමානවත් උරුමය සහතික කිරීමේ කාර්ය භාරය වෙනුවෙන් ඇගයීමට ලක්වීමද විශේෂත්වයකි.
ඡායාරූප විස්තරය
ඡායාරූප 1 – Lankem වැවිලි සමාගමේ කළමනාකාර අධ්යක්ෂ සුනිල් පොහොලියද්ද මහතා, කොටගල වැවිලි සමාගමේ ප්රධාන විධායක නිලධාරී චන්න ද කොස්තා මහතා සමඟ විවෘත කිරීමේ අවස්ථාවට එක් වෙමිනි
ඡායාරූප 2 – දිඹුල කලාපයේ විශිෂ්ටතම තේ නිෂ්පාදනයන්ගෙන් සාරවත් වූ Rosita Tea House වෙත පැමිණෙන අමුත්තන් පිළිගනිමින්
ඡායාරූප 3 – Rosita Tea House හි තේ රස බැලීමේ ස්ථානයේදී අමුත්තන් වෙත කොටගල වතු යායට විශේෂ වූ තේ සාම්පල් රස විඳීමට ලබා දෙමින්
කොටගල වැවිලි සමාගම පිළිබඳව
ලංකෙම් වැවිලි සමාගමට අනුබද්ධිත සමාගමක් වන කොටගල වැවිලි සමාගම ශ්රී ලංකාවේ ප්රමුඛතම තේ නිෂ්පාදකයෙකු ලෙස ගුණාත්මක හා තිරසාර කැපවීම සම්බන්ධයෙන් ඇගයීමට ලක්ව ඇත. දශක ගණනාවක් තිස්සේ විශිෂ්ටත්වයෙහි සංකේතයක් ලෙස කොටගල වැවිලි සමාගම විසින් නවෝත්පාදන හා ප්රජා සංවර්ධනයට කැප වෙමින් මෙරට අභිමානවත් තේ සම්ප්රදාය ආරක්ෂා කිරීමට කටයුතු කරනු ලබයි.
