සන්ෂයින් හෝල්ඩින්ග්ස් ‘’Spotlight 2024’’ හිදී සිය සේවක සේවිකාවන්ගේ
ඉගෙනුම් හා සංවර්ධන කුසලතා අගයයි
සන්ෂයින් හෝල්ඩින්ග්ස් හි විවිධ අංශවල සේවය කරනු ලබන සේවක සේවිකාවන්ගේ රැකියාව සම්බන්ධ කැපී පෙනෙන ජයග්රහණ, වෘත්තීය සංවර්ධනය සහ ඔවුන් ලබා දෙනු ලබන දායකත්වය අගයනු වස් එහි OneHR කණ්ඩායම විසින් පසුගියදා Sunshine Spotlight නමින් උත්සවයක් පවත්වන ලදී. මෙම උත්සවයේදී කුසලතා වැඩිදියුණු කිරීම, නායකත්ව හැකියාවන් ගොඩනැගීම සහ සේවකයින් සඳහා පුද්ගල ප්රතිරූපය (personal branding) වැඩිදියුණු කිරීම සඳහා නිර්මාණය කර ඇති ප්රධාන වැඩසටහන්වල වැදගත්කම පිළිබිඹු කළේය. තවද සිය සේවකයින්ගේ හැකියාවන් වර්ධනය කිරීම සඳහා සන්ෂයින් හෝල්ඩින්ග්ස් හි කැපවීම ද මෙහිදී අවධාරණය කෙරිණි.
මේ පිළිබඳව අදහස් දක්වමින් සන්ෂයින් සමූහයේ ප්රධාන විධායක නිළධාරී ශ්යාම් සතාසිවම් මහතා පැවසුවේ “දියුණු වීමට සහ ඉගෙනීමට අපගේ සේවක සේවිකාවන්ගේ ඇති කැපවීම අපගේ සාර්ථකත්වයට හේතුවයි. Sunshine Spotlight හිදී අප ඔවුන්ගේ ජයග්රහණ අගයන අතරතුර ‘Base Camp’ සහ ‘Best to Brand’ වැනි වැඩසටහන් මගින් ශක්තිමත් සහ අලුත් විදියට හිතන ශ්රම බලකායක් අනාගතය සඳහා සූදානම් කරනු ලබනවා. අපගේ සේවක සේවිකාවන් සවිබල ගැන්වීමෙන් අපි අපගේ පාරිභෝගිකයින්, ප්රජාවන් සහ ජාතිය උදෙසා කල්පවත්නා වටිනාකමක් නිර්මාණය කරනවා.” යනුවෙනි.
සමාගමේ දිගුකාලීන ඉලක්කවලට අනුකූලව සේවක හැකියාවන් ඉහළ නැංවීම සඳහා නිර්මාණය කර ඇති ප්රමුඛ වැඩසටහන් දෙකක් වන ‘Base Camp’ සහ ‘Best to Brand’ යන වැඩසටහන් මෙම උත්සවයේදී ඇගයීමට ලක් විය. කළමනාකරණ පශ්චාත් උපාධි ආයතනයේ (PIM) විධායක සංවර්ධන වැඩසටහන සමඟ එක්ව මෙම Base Camp වැඩසටහන පවත්වන ලදී. එය සන්ෂයින් හෝල්ඩින්ග්ස් හි තිරසාර වර්ධනය සහ කර්මාන්ත නායකත්වය පිළිබඳ දැක්මට සහාය වීම සඳහා උසස් කළමනාකාරිත්ව සහ නායකත්ව කුසලතාවලින් ඔවුන්ව සන්නද්ධ වීමට කදිම වේදිකාවක් වූ අතර මෙම වැඩසටහනේදී සේවක සේවිකාවන් 43 දෙනෙකු පුහුණුව ලැබීය.
Sunshine Consumer හි විකුණුම් කණ්ඩායම් සඳහා සකස් කරන ලද මාස හතක වැඩසටහනක් වන Best to Brand වැඩසටහනේ අරමුණ වූයේ රැකියාව හා පෞද්ගලික ජීවිතය සමබරව පවත්වාගෙන යාම තුළින් පුද්ගල ප්රතිරූපය ඉහළ නංවාගැනීම, කණ්ඩායම් කළමනාකරණය සහ නායකත්ව කුසලතා ආදිය කෙරෙහි අවධානය යොමු කිරීමයි. සන්ෂයින් හි මූලික වටිනාකම් සමඟ පෙළගැසී ඇති මෙම වැඩසටහන මඟින් අත්යවශ්ය කුසලතා සංවර්ධනය කරගැනීමටත් සමාගම තුළ සහ ඉන් ඔබ්බට වැඩි බලපෑමක් කිරීමටත් ඊට සහභාගීවූවන් දිරිමත් කරන ලදී.
සන්ෂයින් හෝල්ඩින්ග්ස් Spotlight හරහා සේවක සේවිකාවන්ට ඔවුන්ගේ දක්ෂතා වර්ධනය කරගැනීමට සහාය වෙමින් ඔවුන් දිරිගනු ලබන අතර නිවැරදි කුසලතාවලින් ඔවුන්ව සන්නද්ධ කිරීම කෙරෙහි ද අවධානය යොමු කරයි. තවද සමාගම මෙවැනි වැඩසටහන් හරහා ශ්රී ලංකාවේ මානව ප්රාග්ධන වර්ධනයට දායක වීමට සහ සමෘද්ධිමත් ආර්ථිකයක් ගොඩනැගීමට අරමුණු කරයි.
