2025 WEICHAI LOVOL GLOBAL PARTNERS CONFERENCE හිදී DIMO සම්මාන ද්විත්වයක් දිනාගනියි
LOVOL හාවස්ටර් සඳහා ලංකාවේ බලයලත් එකම බෙදාහරින්නා වන DIMO හි දිගුකාලීන හවුල්කාරිත්වය සහ කැපවීම වෙනුවෙන් මෙන්ම, කලාපය තුළ LOVOL සන්නාමය ප්‍රවර්ධනය කිරීම සඳහා වූ නව්‍ය අලෙවිකරණය වෙනුවෙන් සම්මාන ද්විත්වයක්ම හිමි කරගැනීමට DIMO ආයතනය පසුගියදා චීනයේ LOVOL මධ්‍යස්ථානයේදී පැවැත්වුණු 2025 WEICHAI LOVOL GLOBAL PARTNERS CONFERENCE හිදී සමත් විය.
මෙහිදී Loyal Partner සහ Outstanding Marketing Activity Planning Award යන සම්මානයන් LOVOL ආයතනය DIMO වෙත ප්‍රදානය කරන ලදී. මෙම සමුළුව සඳහා රටවල් 70කට අධික ප්‍රමාණයක් නියෝජනය කරමින් 400කට වැඩි පිරිසක් සහභාගී වී සිටියහ. මෙම සම්මාන ද්විත්වය මෙරට කෘෂිකර්මාන්තයේ අභිවෘද්ධිය වෙනුවෙන් DIMO සිදුකරන මෙහෙය මනාව පෙන්නුම් කරයි.
DIMO නියෝජනය කරමින් මෙම සුවිශේෂී අවස්ථාව සඳහා DIMO හි කෘෂි යන්ත්‍රෝපකරණ අලෙවි අංශයේ නියෝජ්‍ය සාමාන්‍යාධිකාරී අමිල ද සිල්වා මහතා සහ සහකාර අලෙවි කළමනාකරු මලිත් රුද්‍රිගෝ මහතා සහභාගි වූහ.
මේ පිළිබඳ අදහස් දක්වමින් DIMO ආයතනයේ කෘෂි යන්ත්‍රෝපකරණ අංශය භාරව කටයුතු කරන විධායක අධ්‍යක්ෂක රජීව් පණ්ඩිතගේ මහතා මෙසේ සඳහන් කළේය. “මෙරට කෘෂිකර්මාන්තයේ දියුණුව වෙනුවෙන් අප ගනු ලැබූ උත්සහයන් අගයමින් ජාත්‍යන්තර තලයේ මෙවැනි සම්මානයන් දිනාගැනීමට ලැබීම පිළිබඳව අපි නිහතමානීව සතුටු වෙනවා. ඒ වගේම ශ්‍රී ලාංකික පාරිභෝගික ජනතාවගේ අවශ්‍යතාවයන්ට ගැළපෙන පරිදි ජාත්‍යන්තර මට්ටමේ උසස් කෘෂි යන්ත්‍රෝපකරණ ශ්‍රී ලංකාවට හඳුන්වාදීමට ලැබීම පිළිබඳව අපි බෙහෙවින් සතුටට පත්වෙනවා. එමෙන්ම ගොවි ජනතාවට ගුණාත්මක සේවයක් පිරිනැමීමට මෙන්ම ඒ ඔස්සේ තවදුරටත් ඔවුන්ගේ සිහින සහ අභිලාෂයන් බලගැන්වීමට අපි බලාපොරොත්තු වෙනවා.”
මූලිකවම LOVOL හාවස්ටර් සදහා ඉහළ කාර්මික ශිල්පීන් සහ සේවා නියෝජිතයන් හරහා දිවයිනම ආවරණය වන පරිදි අලෙවියෙන් පසු අසමසම සේවාවක් සැපයීමට DIMO නිරන්තරයෙන් කටයුතු කර ඇති අතර සේවා කටයුතු සඳහා අවශ්‍ය අමතර කොටස් අඛණ්ඩව සැපයීමට ද කටයුතු කරන ලදී.
DIMO පෞද්ගලිකව ගොවීන් සමීපයට ගොස් LOVOL හාවස්ටර් යන්ත්‍ර සඳහා නොමිලේ පරීක්ෂාවන් සිදුකරමින් උපදෙස් ලබාදෙමින් නිරතුරුවම ගොවින් සමඟම සිටිමින් ඔවුන්ට මහත් අත්වැලක් විය. ඒ ඔස්සේ අස්වැන්න නෙළන කාලය ආසන්න වන විට සිය යන්ත්‍රෝපකරණවල උපරිම ක්‍රියාකාරිත්වය තහවුරු කර ගැනීමේ අවස්ථාව DIMO ගොවි ප්‍රජාව වෙත පිරිනමා තිබේ. මීට අමතරව දිවයින පුරා LOVOL හාවස්ටර් හිමිකරුවන් සහ ක්‍රියාකරුවන් ඒකරාශී කරමින් හාවස්ටර් නිවැරදිව භාවිතා කිරීම සහ ඵලදායී නඩත්තු ක්‍රමවේදයන් පිළිබඳව දැනුවත් කිරීම පමණක් නොව සමස්ත ඵලදායිතාව ඉහළ නැංවීම සඳහා අනුගමනය කළ යුතු ගුණාත්මක කෘෂිකාර්මික ක්‍රමවේදයන් පිළිබඳව ද දැනුවත් කිරීමට DIMO ආයතනය පියවර ගනු ලැබුවා.
තවද, LOVOL හාවස්ටර් මඟින් කාර්යක්ෂම ලෙස අස්වනු නෙළන ආකාරය පිළිබඳ සජීවී අත්දැකීම් ගොවිජනතාව වෙත ලබාදීම සහ වගාවේ ඵලදායිතාවය ඉහළ නැංවීම සඳහා LOVOL හාවස්ටර්වල හැකියාවන් තවදුරටත් ඉහළ නැංවිය හැකි ආකාරය පිළිබඳව දැනුවත් කිරීම මඟින් DIMO ගොවි ප්‍රජාවට මහත් පිටුවහලක් වී ඇත. මෙම සේවාවන් LOVOL මෙරට විශ්වසනීය සන්නාමයක් ලෙස ස්ථාපිත කිරීම කෙරෙහි බෙහෙවින් ඉවහල් විය.
ඒ වගේම DIMO, සමාජ මාධ්‍ය ඔස්සේ නූතන පාරිභෝගික අත්දැකීම් පිළිබඳ සැබෑ කරුණු ඉදිරිපත් කරමින් LOVOL හාවස්ටර්හි ප්‍රතිලාභයන් පිළිබඳ පූර්ව අවබෝධයක් ලබාගැනීමට පාරිභෝගිකයන්ට අවස්ථාව ලබා දෙයි.
ශ්‍රී ලංකාව තුළ LOVOL හාවස්ටර් බෙදා හැරීමේ ක්‍රියාවලියේදී බලයලත් වෙළඳ නියෝජිතයන් විශාල කාර්යභාරයක් සිදුකරනවා. මෙය මැනවින් හඳුනාගනිමින් ලංකාව පුරා විසිර සිටින LOVOL හාවස්ටර් සඳහා බලයලත් අලෙවි නියෝජිතයන් දිරිගැන්වීමේ වැඩසටහන් ද DIMO ක්‍රියාත්මක කරනවා.
සෑමවිටම වඩාත් ගුණාත්මක, ප්‍රවර්ධන වැඩසටහන් තුළින් දේශීය ගොවිජනතාව සවිබල ගැන්වීම වෙනුවෙන් DIMO ලබාදෙන දැවැන්ත සහයෝගය මෙම සම්මාන ඔස්සේ තවදුරටත් මැනවින් ප්‍රදර්ශනය වේ.
