හාස්ය, නිර්මාණකරණ හා ආර්ථිකය සමඟින් සන්නාම ආකර්ෂණය උදෙසා TikTok භාවිත කරන ජෙහාන් මලික්
මීට වසර කිහිපයකට පෙර ලොවම මුහුණ දුන් Covid-19 වසංගතය බොහෝ දෙනාට අවාසන්ත කාලයක් වුවද තවත් පිරිසකට වාසනාව ගෙන දුන් කාලයක් ලෙස සඳහන් කිරීම නිවැරදිය. ජෙහාන් මලික්ටද Covid-19 වසංගතය තෙකරම් දුෂ්කර සමයක් වුවත් ජීවිතය ජය ගැනීම සඳහා ආරම්භයක් විය. නිවසට සීමා වී සිටි එම කාලය බොහෝ දෙනාට අලුතින් සිතන්නට කාලයක් විය. එම අවස්ථාව ප්රයෝජනයට ගත් 19 හැවිරිදි ජෙහාන් TikTok වෙත පිවිසෙමින් වීඩියෝ අන්තර්ගතයන් ඊට එක් කරන්නට විය.
ඒ වෙනුවෙන් TikTok පිළිබඳ වීඩියෝ දහස් ගණනක් නැරඹූ ජෙහාන් නව අවස්ථා ගවේෂණය කරමින් අලෙවිකරණ සීමාවාසික පුහුණුවක් සඳහා යොමු විය.
මාසයක පුහුණුව අතරතුර හාස්යෝත්පාදනය මුල් කරගත් වෙළෙඳනාමයන් වෙත අවධානය යොමු කළ ඔහු එක් සන්නාමයක හැකියාවන් හඳුනාගනිමින් නිවැරදිව හාස්යය සන්නාමකරණය වෙත යොමු කිරීමේ හැකියාව පිළිබඳ අවස්ථා ගවේෂණය කිරීමටත් ඒවා ආකර්ෂණය කරගැනීමටත් කටයුතු කරන ලදී.
එතැනින් නොනවතුණු ජෙහාන් විනෝදාස්වාදය පමණක් නොව නිර්මාණශීලීත්වයද එක් කරගනිමින් සන්නාමයන් නිරායාසයෙන් ජනතාව වෙත ගෙන යාමට පියවර ගන්නා ලදී. TikTok යනු හුදු වෛරසයක් නොව සමාජ හා පුද්ගල දියුණුවේ සාධකයක් බව මේ තුලින් ලොවට පෙන්වා දීමට ජෙහාන්ට හැකි විය.
ජෙහාන්, ප්රහසනය නිර්මාණ අන්තර්ගතයක් බවට පත්කරමින් සන්නාම ගොඩනැගූ අයුරු
ජෙහාන්ගේ අන්තර්තයන්හි විශේෂත්වයක් වූයේ ප්රහසනයයි. සෑම වීඩියෝවක් හරහාම ස්වභාවික හාස්යය හා සාමාන්ය ස්වභාවය ප්රදර්ශනය කළ ඔහු ඒ තුලින් සිය අන්තර්ගත නිර්මාණයන් ඉදිරිපත් කරනු ලැබීය. එය බොහෝ දෙනාට සමීප වන හෙයින් ඔහුගේ අන්තර්ගතයන් බොහෝ දෙනා වැළඳගන්නා ලදී.
“හැම විටම සෑම දෙයක් කෙරෙහිම කුතුහලයෙන් බැලීමට පුරුදුව සිටි මාගේ හැකියාවන් ප්රදර්ශනය කිරීම කදිම වේදිකාවක් සපයා දීමට TikTok සමත් වුණා. මෙහි ඇති සුවිශේෂීත්වය වන්නේ නිර්මාණ කිරීම සඳහා ඇති නිදහසයි. මගේ විදියට වැඩ කරන්න අවශ්ය නිදහස මම මගේ සේවාදායකයින්ගෙන් හැම වෙලාවෙම ඉල්ලනවා. මට අවශ්ය අව්යාජ හා ස්වභාවික දැනෙන නිර්මාණයක් සිදු කිරීමටයි” ජෙහාන් පවසයි.
සරල, විනොදාත්මක හා ආකර්ෂණීය අන්තර්ගතයන් තුළින් විවිධ වෙළෙඳනාම ඉහළ නැංවීමට කටයුතු කර ඇති ජෙහාන් හාස්යය තුළින් වෙළෙඳ නාමයට කිසිඳු හානියක් සිදු නොවීමට වග බලා ගනියි. ඒ නිසාම සේවා දායකයින් බහුතරයක් ඔහුගේ අදහස් හා අන්තර්ගයන් අගය කිරීමට පෙළඹී ඇත.
වෙළෙඳනාම රසිකයින් වෙත ගෙන යාමට ජෙහාන් භාවිත කළ ආකාරය
“මගේ සාර්ථකත්වයේ එක් ප්රධාන හේතුවක් ලෙස සෑම කෙනෙකුටම අත්විඳිය හැකි නිර්මාණ අන්තර්ගතයක් ඉදිරිපත් කිරීම සඳහන් කළ හැකියි. හැමවිටම මගේම අදහස් තුළින් TikTok අන්තර්ගතයන් නිර්මාණය කිරීමට කටයුතු කරන මම මගේ හැකියාවන් තුළින් පරිශීලකයින් පිනවමින් සේවාදායකයින් වෙත උපරිම සේවාවක් ලබා දීමට කටයුතු කරනවා. ඒ සඳහා මා හට අවස්ථාව උදා කර දීම පිළිබඳව TikTok වේදිකාවට ස්තුති වන්ත වනවා” ජෙහාන් පවසයි.
වැඩිදුරටත් අදහස් දක්වමින් ජෙහාන් සඳහන් කළේ හැම විටම අව්යාජ අදහස් ඉදිරිපත් කිරීම තුළින් වැඩි විශ්වාසයක් හා ආකර්ෂණයක් දිනා ගත හැකි බවයි. ඒ හරහා ප්රේක්ෂකයින් සමඟ මනා සම්බන්ධතාවක් පවත්වා ගැනීමට හැකියාව උදා වන බවද ජෙහාන් පවසයි.
ප්රහසනය උදෙසා වෙළෙඳනාම තෝරා ගැනීම
තමන්ගේ වෘත්තීය වර්ධනයත් සමඟ තමන් වෙත ලැබෙන අවස්ථාවන් ඉහළ නංවා ගැනීමට සමත් වූ ජෙහාන් අද වන විට වෙළෙඳනාම සම්බන්ධ උපදේශකයකු බවට පත්ව ඇත්තේ ඔවුන් වෙත කෙටි වීඩියෝ ආකෘති වැනි අනතර්ගතයන් නිර්මාණය කිරීමට අවශ්ය සහයෝගය ලබා දෙමිනි. විවිධ සන්නාමයන් සමඟ කටයුතු කරමින් එම සන්නාමයන් ජනතාව අතරට ගෙන යාම සඳහා සිය හැකියාවන් මනාව යොදාගත් ජෙහාන් පවසන්නේ තමන්ට නිදහසේ අදහස් ප්රකාශ කිරීමේ අවස්ථාව ලබා දීම තුලින් හාස්යමය ශෛලිය වෙත පිවිසීමේ පහසුව අත්වන බවයි.
ප්රහසනයෙන් ඔබ්බට යන ජෙහාන් මලික්
සෑමවිටම හාස්ය පදනම් කරගත් නිර්මාණයන් තුළින් සිය වෘත්තීය ජීවිතය සාර්ථක කරගැනීමට සමත් වූ ජෙහාන් ඉදිරියේදී තවත් බොහෝ දේ සිය අන්තර්ගතයන් තුළින් ජනතාව අතරට ගෙන යනු ඇත. ඒ තුලින් හෙට දවසේදී සිය සේවාදායකයින් හා ප්රේක්ෂකයින් අමන්දානන්දයට පත් කිරීමට ජෙහාන් සමත් වනු ඇත. මේ සියලු දේ වෙනුවෙන් TikTok ජෙහාන්ට අවශ්ය ශක්තිය ලබා දෙනු ඇත.
