EUNIC සහ GLX එක්ව ‘The Routes we Take’ වැඩසටහන දිවයින පුරා රැගෙන යයි
2025 ජුලි, කොළඹ – යුරෝපා සංගමයේ සංස්කෘතිය සඳහාවන ජාතික ආයතනයේ (EUNIC) සහ Good Life X සමාගමේ ප්රමුඛ වැඩසටහනක්වන The Routes We Take වැඩසටහන, දිවයින පුරා ප්රදේශවල තිරසර නිර්මාණ ප්රචලිත කිරීම සඳහා 2025 වසරේදී කොළඹින් පිටතට ව්යාප්ත කෙරේ. එය අදියර හතරකින් දියත් කෙරෙන අතර, පළමු අදියර ජුලි මස 25 සහ 26 යන දෙදින මහනුවර “කරළිය” සම්මේලන සහ රංග කලා මධ්යස්ථානයේදී පැවැත්වීමට නියමිතය. සංස්කෘතික කටයුතු සඳහා ජනතා සහභාගිත්වය විමධ්යගත කරන අතරම, නිර්මාණාත්මක කලාව හරහා පාරිසරික දැනුවත් භාවය සහ නිර්මාණාත්මක චින්තනය ප්රවර්ධනය කිරීම මෙම වැඩසටහනේ අරමුණයි.
2024 වසරේදී නිර්මාණාත්මක තිරසර සිතියමක් සහ ප්රදර්ශනයක් සමගින් ජනගත කෙරුණු මෙම ව්යාපෘතිය, මෙම වසරේ ජුලි සිට ඔක්තෝබර් අතර මහනුවර, යාපනය, මඩකළපුව සහ ගාල්ල යන ප්රධාන කළාප දක්වා ගමන් කිරීමට නියමිතය. බිම් මට්ටමේ නිර්මාණ ජාලය ශක්තිමත් කිරීමටත්, තිරසාරත්වය දක්වා යන ගමනේදී මෙරට ප්රාදේශීය ජනතාවගේ හඬ සවිබල ගැන්වීමටත් EUNIC සහ දේශීය හවුල්කරුවන් දක්වන අඛණ්ඩ කැපවීම, මෙම ව්යාපෘතිය නැවුම් මුහුණුවරකින් ඉදිරියට ගෙන යාම තුළින් මනාව පිළිබිඹු වේ. Good Life X සමාගම සමග දේශීය හවුල්කරු ලෙස, අන්තර්-ක්ෂේත්ර සාමූහිකයක්වන Rhizome සමග අත්වැල් බැඳගනිමින්, ‘Beyond Rhizome’ සෞන්දර්ය ගවේෂණයේ මහනුවර වැඩසටහන දියත් කිරීමට ද කටයුතු යොදා ඇත. ප්රදේශයේ ප්රජාව, කතිකාව සහ පර්යේෂණ හරහා ජනතාවගේ සහභාගිත්වය ප්රවර්ධනය කරමින් මෙම දින දෙකක වැඩසටහන පැවැත්වීමට නියමිතය.
“විශේෂයෙන් සැලසුම් කළ ප්රදර්ශන, ඉදිරිපත් කිරීම් සහ ධාරිතා සංවර්ධන වැඩමුළු ඇතුළත් ප්රාදේශීය වැඩසටහන් මාලාව, සංස්කෘතික සහ ප්රජා-මූලික නවෝත්පාදනය තුළින් පාරිසරික අභියෝගවලට ප්රතිචාර දැක්වීම හැක්කේ කෙසේද යන්න හඳුනා ගැනීම සඳහා නිර්මාණකරුවන්, ක්රියාකාරිකයන් සහ මහජනතාවට ආරාධනාකර සිටිනවා. 2025 වසරේදී, The Routes we Take වැඩසටහන, මහනුවර (ජුලි 25-26), යාපනය (අගෝස්තු 29-30), මඩකළපුව (සැප්තැම්බර් 12-13) සහ ගාල්ල (ඔක්තෝබර්) යන ප්රදේශ දක්වා ගෙන යාමට අප කටයුතු කරනවා,” යනුවෙන් GLX සමාගමේ ප්රධාන විධායක නිලධාරී සහ ව්යාපෘති අධ්යක්ෂ, එමා ද සිල්වා සඳහන් කළාය.
මෙම වැඩසටහන පිළිබඳ අදහස් දක්වමින්, එහි කැඳවුම්කරු ලෙස කටයුතු කරන Rhizome ව්යාපාරයේ තාරක ගුණසේකර සඳහන් කළේ, “The Routes We Take සහ Rhizome ව්යාපාරය එක්ව අන්තර්-සංස්කෘතික කතිකාවක්, පර්යේෂණාත්මක ප්රකාශනයක් සහ ප්රජා-මූලික පරිවර්තනයක් සඳහා වේදිකාවක් ගොඩ නගනවා. පාරිසරික සහ නිර්මාණ යන අංශ දෙක එක්ව කටයුතු කරන ආකාරය දැකගැනීමට අවශ්ය ඕනෑම අයෙකුට මේ සඳහා එක්වන ලෙස අප ආරාධනා කරනවා,” යනුවෙනි.
ජුලි මස 25 සහ 26 යන සති අන්තයේ පැවැත්වෙන වැඩසටහනේදී, තිරසාරත්වය පාදකකර ගත් දින දෙකක මහජන නිර්මාණ ප්රදර්ශනයක්, නිර්මාණකරුවන් සඳහා ධාරිතා-සංවර්ධන වැඩමුළුවක්, විවිධ ඉදිරිපත් කිරීම් සහ පර්යේෂණාත්මක සැසි, ආවර්ජනය සඳහා විවෘත සංවාද, හවුල්කාරිත්ව සහ ප්රතිපෝෂණය මෙන්ම නිර්මාණ ප්රජා තිරසර සැලසුමට එක් වීමේ අවස්ථා ද ඇතුළත් වේ.
සේයා රූ සටහන
1. The Routes we Take වැඩසටහනේ තෝරාගත් නිර්මාණ කරුවන්, මහනුවර Alliance Française හිදී පැවති පෙරහුරු වැඩමුළුවකදී.
2. ආචාර්ය සුනිල් විජේසිරිවර්ධන සහ මහාචාර්ය සුදේෂ් මන්තිලක යන මහත්වරුන්ගේ මගපෙන්වීම යටතේ පැවති පෙරහුරු වැඩමුළුවේදී, කලාව සහ සොබාදහම අතර ඇති ශක්තිමත් බැඳීම අවබෝධකර ගැනීම සඳහා නිර්මාණකරුවෝ රැසක් දැඩි උද්යෝගයෙන් යුතුව සහභාගී වූහ.
මාධ්ය සම්බන්ධීකරණය
GLX පිළිබඳව
Good Life X (GLX) යනු පුනර්ජනනීය අනාගතයන් මෙහෙයවීම කෙරෙහි අවධානය යොමු කරන දකුණු ආසියානු නවෝත්පාදන ආයතනයකි. එය පුනර්ජනනය සහ නවෝත්පාදනය පිළිබඳ විශේෂඥතාව තුළින් ව්යාපාර, ආර්ථිකයන් සහ මානව යහපැවැත්ම වේගවත් කරයි. නව්ය ආකෘති සහ වැඩසටහන් සමඟින්, GLX විද්යාව, ශාස්ත්රීය, කලා සහ කර්මාන්ත පාලම් කරන අතරම තිරසාර ආරම්භක ව්යාපාර සහ කුඩා හා මධ්ය පරිමාණ ව්යාපාර සඳහා සහාය වේ.
2018 වසරේ සිට මෙහෙයුම් කටයුතු ආරම්භ කළ GLX සමාගම, 180 කට අධික මෙරට ව්යාපාර සංඛ්යාවකට පහසුකම් සලසා ඇති අතර, වෙනස තුළින් පෙරට ඒමට ප්රතිජනන ආර්ථිකයක් ගොඩනැගීමට දායක වී තිබේ.
EUNIC පිළිබඳ
යුරෝපා සංගමයේ සංස්කෘතිය සඳහාවන ජාතික ආයතනය (EUNIC) යනු, යුරෝපා සංගමයේ සියලුම රටවල සහ සහාය රටවල සාමාජිකයින් 36 දෙනෙකුගෙන් සමන්විත ජාතික සංස්කෘතික ආයතන සහ සංවිධානවල යුරෝපා ජාලයයි. Alliance Française, ශ්රී ලංකාවේ සහ මාලදිවයිනේ ප්රංශ තානාපති කාර්යාලය, Goethe-Institute, British Council, ස්විට්සර්ලන්ත තානාපති කාර්යාලය, නෙදර්ලන්ත රාජධානියේ සහ ඉතාලියේ තානාපති කාර්යාලවලින් සමන්විත සහ යුරෝපා සංගමයේ දූත මණ්ඩලයේ සහයෝගය හිමි EUNIC ශ්රී ලංකා පාර්ශ්වය, සංස්කෘතික සබඳතා සහ නිර්මාණ සහයෝගිතා වර්ධනය කිරීම සහ විවිධත්වයට සහයෝගය ලබා දීම සඳහා ඒකාබද්ධ ප්රවේශයකින් යුතුව කටයුතු කරයි.
