ශ්රී ලංකාව තුළ රෙදිපිළි කර්මාන්තයේ නවෝත්පාදනය හා තරගකාරීත්වය ඇති කිරීම සඳහා JAAF, GTEX සමඟ එක් වෙයි
ශ්රී ලංකාව රෙදිපිළි කර්මාන්තයේ උන්නතිය වෙනුවෙන් තවත් සුවිශේෂී ඉදිරි පියවරක් තැබීමට පසුගියදා සමත් විය. ඒ GTEX හි දෙවන අදියර යටතේ සංවිධානය කරනු ලැබූ දින 4ක වැඩසටහනට එක් වෙමිනි. GTEX යනු ආර්ථික කටයුතු පිළිබඳ ස්විස්ටර්ලන්ත රාජ්ය ලේකම් කාර්යාලය (SECO) විසින් අරමුදල් සපයන හා ජාත්යන්තර වෙළෙඳ මධ්යස්ථානය (ITC) මඟින් සංවිධානය කරනු ලබන වැඩසටහනකි. තිරසාර අනාගතයක් වෙනුවෙන් ශ්රී ලංකාවේ අඛණ්ඩ කැපවීම ප්රදර්ශනය කරනු ලබන මෙම වැඩසටහන රෙදිපිළි හා ඇඟලුම් කර්මාන්තය සඳහා චක්රීය ආර්ථික ව්යාපාර ආකෘති පිළිබඳ වැඩමුළුකින් මෙන්ම පුහුණුකරුවන් සඳහා වන දින 2ක පුහුණු සැසියකින් ද සමන්විත විය.
පසුගිය දෙසැම්බර් 16 වැනි දින 19 වන දින දක්වා පැවති මෙම සමුළුවේදී 90ක පමණ පිරිසක් වෙත රෙදිපිළිවල චක්රීය ආර්ථිකය පිළිබඳව පුළුල් අවබෝධයක් ලබා දෙන ලදී. විශේෂයෙන් චක්රීය ආර්ථිකය වෙනුවෙන් සැලසුම් කිරීම, නැවත භාවිතය හා ප්රතිචක්රීයකරණය වෙනුවෙන් වන සැපයුම් ඉහළ නැංවීම සහ රෙදිපිළි ප්රතිචක්රීයකරණයේ ඉහළ තාක්ෂණයන් හා තත්ව ප්රමිතීන් ගවේෂණය වැනි මාතෘකා යටතේ ප්රධාන සැසි කිහිපයක් එහිදී පැවැත්විණ. මෙම දැනුවත් කිරීම්හි අරමුණ වී ඇත්තේ ශ්රී ලංකාව ගෝලීය තිරසාර රෙදිපිළි ව්යාපාරයේ ප්රමුඛ රටක් බවට පත් කිරීමයි.
ශ්රී ලාංකේය විද්වතුන්, රෙදිපිළි වෘත්තිකයින් හා රාජ්ය නියෝජිතයින් 19 දෙනෙකුගේ සහභාගීත්වයෙන් පැවති පුහුණුකරුවන්ගේ පුහුණු සැසියෙන් ආරම්භ වූ මෙම වැඩසටහන දේශීය වශයෙන් දැනුම ඉහළ නැංවීම තුළින් රට පුරා චක්රීය භාවිතයන්හි ප්රමාණය හා තිරසරබව සහතික කිරීමට සමත් වනු ඇත. එසේම 2025 GTEX වැඩසටහන තුළදී නව්ය ව්යාපාර ආකෘතිය වඩා පුළුල් අයුරින් භාවිත කිරීමේ හැකියාව ලබා දෙමින් කර්මාන්ත වෘත්තිකයින් හා සිසු සිසුවියන් 500ක දෙනෙකු වෙත පුහුණුව ලබා දීමටද සැලසුම් කොට ඇත.
මෙම වැඩසටහන සම්බන්ධයෙන් අදහස් දැක්වූ ITC හි තන්තු, රෙදිපිළි සහ ඇඟලුම් පිළිබඳ ප්රධානී Matthias Knappe සඳහන් කර සිටියේ “තිරසාරත්වය යනු අවශ්යතාවයකි. මෙම වැඩසටහන හරහා ශ්රී ලංකාවේ රෙදිපිළි කර්මාන්තය ගෝලීය වෙළෙඳපොල තුළ තරඟකාරීව සිටීමට අවශ්ය දැනුම ලබා දෙමින් සිටින අතර චක්රීය ආර්ථිකය සඳහා වන හදිසි අවශ්යතාවය සපුරා ගැනීමට උපකාර කරනවා” යනුවෙනි.
මෙහිදී අදහස් දැක්වූ JAAF හි මහලේකම් යොහාන් ලෝරන්ස් මහතා “වගකීම් සහගත හා අනාගතයට ගැලපෙන රෙදිපිළි කර්මාන්තයක් නිර්මාණය කිරීම සඳහා ශ්රී ලංකාවේ කැපවීම මෙම වැඩසටහන තුළින් පිළිබිඹු වනවා. එය ජාත්යන්තර ප්රමිතීන්ට අනුව මෙරට කර්මාන්තය හැඩගැස්සවීමට මෙන්ම ගෝලීය වෙළෙඳපොල ඉල්ලුමට වැඩි ශක්තියක් වෙනුවෙන් ඉතා වැදගත් වනවා” යනුවෙන් පැවසීය.
ශ්රී ලංකාව, ඊජිප්තුව, ජෝර්දානය, මොරොක්කෝව හා ටියුනීසියාව යන රටවල රෙදිපිළි හා ඇඟලුම් ක්ෂේත්රවල අපනයන තරඟකාරීත්වයට සහාය දක්වන වැඩසටහනක් වන GTEX/MENATEX දෙවන අදියර තිරසාර හා චක්රීය ආර්ථිකයක් කෙරෙහි අවධානය යොමු කරන අතරම රැකියා උත්පාදනය, දරිද්රතාව අඩු කිරීම සඳහා ක්ෂේත්රය සතු හැකියාව පිළිබඳව අවධානය යොමු කරනු ලබයි.
මෙම වැඩසටහනට සහභාගී වන්නන් හට ජාත්යන්තර තිරසාර ප්රමිතීන් සපුරාලීමට හා එක්සත් ජාතීන්ගේ තිරසාර සංවර්ධන ඉලක්කයන් සමඟ සමීපව කටයුතු කිරීමට හැකියාව උදා වේ. ශ්රී ලංකාව තුළ ඵලදායී ලෙස මෙම GTEX වැඩසටහන ක්රියාත්මක කිරීම සඳහා අපනයන සංවර්ධන මණ්ඩලය, මධ්යම පරිසර අධිකාරිය හා මොරටුව විශ්ව විද්යාලය සමඟ එක්ව කටයුතු කිරීමට ඒකාබද්ධ ඇඟලුම් සංගම් සංසදය පියවර ගෙන ඇත.
පාරිසරික වගකීම් හා ආර්ථික අවස්ථාවන් සමානව පවත්වාගෙන යමින් තරඟකාරී, තිරසාර අනාගතයක් සඳහා ශ්රී ලංකාව සූදානම් කිරීම මෙම ඒකාබද්ධ ප්රයත්නයෙහි අරමුණ වී ඇත.
ඡායාරූප විස්තරය – “Circularity in Action”, පුහුණුකරුවන් පුහුණු කිරීමේ (ToT) වැඩමුළුව
