ඔබේ සෞඛ්යය හා යහපැවැත්ම වෙනුවෙන් සුව දිවිය ‘2024 සුවෙන් සිටින්න Health Fair’ ප්රදර්ශනය කොළඹදී
ශ්රී ලංකාව තුළ ඉහළ යමින් පවතින දියවැඩියා රෝගයට එරෙහිව සටන් කිරීම වෙනුවෙන් කැපවූ ලාභ නොලබන සංවිධානයක් වන සුව දිවිය මඟින් සංවිධානය කරන ශ්රී ලංකාවේ ප්රථම සෞඛ්ය පිළිබඳ ප්රදර්ශනය ‘Live Well Health Fair’ ප්රදර්ශනය එළඹෙන නොවැම්බර් 30 වැනි සෙනසුරාදා දින කොළඹ නිදහස් චතුරශ්ර ආකේඩ්හිදී පැවැත්වේ. එදින පෙ.ව 10 සිට ප.ව 6 දක්වා පැවැත්වීමට නියමිත එම ප්රදර්ශනය සඳහා ළමුන්, තරුණ තරුණියන් හා වැඩිහිටියන් ආදී වයස් භේදයකින් තොරව සෑම දෙනාටම සහභාගී වීමේ අවස්ථාව ඇත.
මෙම ප්රදර්ශනයේ විශේෂත්වය වන්නේ පවුලේ සැමට අවශ්ය පරිදි මෙම ප්රදර්ශනය නිර්මාණය කර තිබීමයි. වත්මන් ජීවන රටාවන් සමඟ සෞඛ්ය අධ්යාපනය හා දැනුවත්භාවය එක් කිරීමේ වැදගත්කම පිළිබඳව විශ්වාසය තබමින් සුව දිවිය පදනමේ සංකල්පයක් මත මෙම සෞඛ්ය ප්රදර්ශනය ආරම්භ කරනු ලබයි. විශේෂයෙන් දරුවන් හා තරුණ පරපුර තුළ සෞඛ්ය අධ්යාපනය හා දැනුවත්භාවය ඉහළ නැංවීම ‘Live Well Health Fair’ ප්රදර්ශනයේ අරමුණක් වේ.
ඒ නිසාම ළදරු වයසේ සිට වැඩිහිටියන් දක්වා සෑම වයස් කාණ්ඩයකම පුද්ගලයින් විසින් සෞඛ්ය සම්පන්න ජීවන රටාවක් පවත්වා ගැනීමේ වැදගතක්ම පිළිබඳව මෙම ප්රදර්ශනය තුළින් පෙන්වා දෙයි. තවද අධ්යාපනික වැඩසටහන්, විනෝදාත්මක වැඩසටහන්, ක්රීඩා, ශරීර අභ්යාස, වැඩමුලු, සෞඛ්ය පිළිබඳ සාකච්ඡා, හරවත් වෛද්ය සංවාද ඇතුළුව සහභාගීවන්නන්ට ත්යාග දිනා ගැනීමේ අවස්ථාව මෙන්ම ශ්රී ලංකාවේ ජනප්රිය සන්නාමයන්හි සෞඛ්ය සම්පන්න ආහාර හා තවත් බොහෝ දේ පහසු මිලට මිලදී ගැනීමට ද ඔබට හැකියාව ඇත.
පවුලේ සියලු දෙනාට එක්ව සහභාගී විය හැකි ‘Live Well Health Fair’ ප්රදර්ශනයේදී පැවැත්වීමට නියමිත විශේෂ සම්මන්ත්රණවලදී රාජ්ය හා පෞද්ගලික අංශයේ වෛද්ය වෘත්තිකයින් විසින් දියවැඩියා පාලනය, හෘද සෞඛ්යය, පෝෂණය හා ශාරීරික යෝග්යතාව වැනි සුවිශේෂී මාතෘකා පිළිබඳ දැනුවත් කිරීමටද කටයුතු යොදා ඇත.
බාල, තරුණ, මහලු සියලු දෙනාට යහපත් සෞඛ්යයක් පවත්වාගෙන යාමේ වැදගත්කම අවධාරණය කරනු ලබන මෙම සුවිශේෂී ප්රදර්ශනය තුළින් යහපත් සෞඛ්ය පුරුදු පිළිබඳ අවබෝධය ඉහළ නැංවීමට කටයුතු කරනු ඇත්තේ ඒ පිළිබඳ ප්රායෝගික වැඩසටහන්ද සංවිධානය කරමිනි.
‘Live Well Health Fair’ ප්රදර්ශනය සඳහා සහභාගී වන සියලු දෙනා හට විනෝදාත්මක ක්රීඩා හා වැඩසටහන් තුළින් සෞඛ්යය පිළිබඳ අවබෝධය ලබා ගැනීමේ අවස්ථාව උදා කර දී තිබීමද මෙහි විශේෂත්වයකි. එහි එක් අවස්ථාවක් වන්නේ සෞඛ්ය සම්පන්න ආහාර සකස් කිරීම හා යෝග අභ්යාසයි. එම අවස්ථාවන් සඳහා සහභාගී වෙමින් ප්රායෝගික පෝෂණ ක්රමයන් පිළිබඳ තම දැනුම ඉහළ නංවා ගැනීමට ඔබට අවස්ථාව උදා වනු ඇත. එසේම මීට සහභාගී වන සියලු දෙනා හට තමන්ගේ දැනුම පරීක්ෂා කර සෞඛ්ය සම්පන්න ජීවන රටාවක් පිළිබඳ දැනුම ඉහළ නංවා ගැනීම සඳහා විනෝදාත්මක ශාරීරික අභ්යාසයන්හි නිරත වීමේ හැකියාව උදා වේ.
තවද දරුවන් වෙනුවෙන් Atlas Axilia විසින් නිර්මාණය කර ඇති ළමා කලාපය සෞඛ්ය සම්පන්න ජීවිතයක් පිළිබඳ දැනුවත් වීම වෙනුවෙන් නිර්මාණය කර ඇති ක්රියාකාරකම් සමඟින් සතුට, විනෝදය සහ ආකර්ෂණීය ක්රීඩාවන්ගෙන් සමන්විත වේ.
අද වන විට තරුණ පරපුර අතර ඉහළ යමින් පවතින දියවැඩියාව, අධි රුධිර පීඩනය, හෘද රෝග හා අධික තරබාරුව වැනි බෝ නොවන රෝග පිළිබඳව අවධානය යොමු කර ඇති ‘2024 Live Well Health Fair’ නිවැරදි සෞඛ්ය පිළිවෙත් පිළිබඳ ඔවුන් දිරිමත් කරනු ඇත්තේ සෞඛ්ය සම්පන්න ජීවිතයකට අවශ්ය දැනුම හා මෙවලම් ඔවුන් වෙත ලබා දෙමිනිග මෙහිදී දැනුම හුවමාරු කර ගැනීමේ ක්රියාකාරකම්හි නිරත වීමේ අවස්ථාව ඔබට උදා කර දී ඇති සුව දිවිය පදනම සෞඛ්ය සම්පන්න ජීවන රටාවක් ගත කරන ආකාරය පිළිබඳ වෘත්තීය අවබෝධයක් ලබා ගැනීමේ අවස්ථාවද ඔබට සලසා දෙනු ඇත. විශේෂයෙන් බෝ නොවන රෝගයන්ගෙන් ආරක්ෂාවීමේ වැදගත්කම අවධාරණය කරමින් පවත්වනු ලබන මෙම ප්රදර්ශනයේදී බෝ නොවන රෝගයන්හි බරපතලකම හා ඉන් ආරක්ෂාවීමේ වැදගත්කම පිළිබඳවද සියලු දෙනා දැනුවත් කරනු ඇත.
මීට අමතරව ශරීර ස්කන්ධ දර්ශකය (BMI) රුධිරයේ ග්ලූකෝස් මට්ටම, ඇස් පෙනීම පරීක්ෂා කිරීම, රුධිර පීඩනය, දියවැඩියා රෝගීන් සඳහා වන පාදවල ස්වභාවය තක්සේරු කිරීම ඇතුලු සෞඛ්ය පරීක්ෂණ සඳහා නොමිලේ සම්බන්ධ වීමේ හැකියාවද සහභාගී වන්නන්ට හිමි වේ. සුව දිවිය පදනම මඟින් සංවිධානය කරන මෙම විශේෂ ප්රදර්ශනයේදී Abans PLC, Paan Paan, CIC, Easy Kitchen, Nawaloka, Caretech, Sunshine Tea, Sunshine Healthcare සහ Green Leaf වැනි ප්රමුඛ පෙළේ වෙළෙඳනාමයන් යටතේ සෞඛ්ය සම්පන්න ආහාර හා සුවතා නිෂ්පාදන පහසු මිලට ලබා ගැනීමේ හැකියාව උදා කර දී තිබීමද විශේෂත්වයකි.
තවද ‘2024 Live Well Health Fair’ ප්රදර්ශනය සඳහා සහභාගී වන සියලු දෙනාට ගෙවතු වගා කට්ටල, යෝග සැසි ඇතුළුව ආකර්ෂණීය ත්යාග දිනා ගැනීමේ හැකියාවද ඇත. සතුට, විනෝදය, සෞඛ්යය හා අවබෝධය කේන්ද්ර කොටගත් ක්රියාකාරකම්වලින් සපිරි මෙම ප්රදර්ශනය වෙත පැමිණ යහපැවැත්ම ඉහළ නංවා ගැනීමට හා දැනුම දියුණු කර ගැනීමට අවස්ථාව උදා කර ගන්න. වැඩිවිස්තර දැන ගැනීමට 0773 533 791 අංකයෙන් සුව දිවිය පදනම අමතන්න.
